Nemoj mjeriti ljubav zlatarskom vagom, niti unaprijed smišljaj koliko ćeš dati i dokle ćeš ići u ljubavi. Pusti neka tvoja ljubav bude spontana. Ljubav koja se mjeri i na vagu stavlja, nije ljubav nego računica.

Phil Bosmans

Matejuška by XVII

Zadar by XVII, garbun

e...

pravi kumpanjo će ti pomoć ako more (pogotovo ako ga to ama baš ništa pinezi neće doč i pogotovo ako se radi o nikoj maloj stvari ča more vrlo jednostavno učinit) i neće pravit mirakul o' tega.

u takvoj situaciji sve ostalo je da se čovik upita:

a s kakvon to ja peršonon jeman posla, a?

i makne se ča dok mu je na vrime...

iz merjanske lipote by XVII

e... vižitali smo saso 2007., sklopili nike dogovore, dovukli u ured vizitki, promidžbenog materijala i sl.

kako smo i jutros, prije vengo ča smo se uputili na saso, jemali otvoreni ured i radilo se, a radimo čak i sutra, sad se gren mrvu odmorit.

saso je na žnjanu, karta dođe 40 kuna pa povirite. jema se puno tega za vidit, e... ekola, gren ča, jemate pozdrav!

litrat i crtarija by XVII, slikano maloprije :O)

. ovo san uvati bokunić vrimena, a u uredu uvik jeman lapiše o' garbuna i bokun bloka. nije još gotovo, triba se tek finit, ali zadar morete pripoznat. :o)

puno kurjoži moredu uvećat litrat klikon

e...

narafski da nije baš 100% sigurno da ćemo baš mi prominit povijest oli otkrit nešto ča će izminit život na zemaljskoj baloti, ali evo tek nikih sitnica koje svaki čovik more učinit.

- započet dan s osmijehom. to nan neće ispraznit takujin, dapače, besplatno je, ali možemo usrićit sebe i druge. radosno lice ne bi tribalo smetat.

- reč dobro jutro kad se uđe u butigu, kancelariju i sl. ni to nam neće ispraznit takujin, dapače, besplatno je, ali možemo usrićit sebe i druge. pristojnost ne bi tribala škodit. 

- pozdravit more oli koju rijeku, livadu, šumu, oblak, cvit u pitaru, uvik se nešto more nać, neće nan ni to ispraznit takujin, dapače, priroda nas dariva svojom nesebičnošću, a čovik je tija on to oli ne dil prirode.

- pročitat koju rigu dobrega teksta, čut koju mudru i pametnu besidu, razmislit malo o temu. ne bi nas ni ovako nešto tribalo dovest na inkanat, dapače, moremo samo postat bolji ljudi.

- proživit dan najbolje kako znamo i možemo, kvaliteno živeći i radeći, na način da moremo poč leč mirne duše i savjesti i još mirnije zaspat. to nije 100%-tna garanicija za dobro sutra, ali je bar neka.

ekola, XVII vam želi laku noć.

e...

malo ćemo kritizirat. moramo. jerbo, je da smo u najlipši grad na svitu, ali to je ujedno i najluđi grad na svitu di puno, puno tega ne valja.

kako san i danas malo vozi autić po prometnijim ulicama ovega grada, upalo mi je nešto u joko ča me dosad i nije baš sekiralo jerbo san dosad bi među pješacima.

na masu ulica preblide su rige po tleju, na masu mista vire grane, očaj, pari da se nima za malo piture i za bokun pile. radi li se opće šta po tom pitanju u zadnje vrime, a?

ne moremo, naime,  bit zadovoljni ako su nan (nakon ne znan koliko godin ča metropola već jema) stavili nikoliko botuna na semafore, triba bi cili grad bit šesan, brez buža, brez falingi, brez škovaca, s urednin prometnicama i ulicama i sa barenko di kojin bokunićen trotoara za pješaka.

kako u gradskom konfužjunu nije lako vozit ni kad se jema ne znan koliko iskustva, kad se znakovi/rige lipo vide, kad ne vire grane po ulicama, a kamoli kad je drugovačije, ovin puten apeliran na nadležne da to poprave jerbo blidih riga i grana koliko oćeš, buža po trotoarima također. 

ko zna oće štagod o' ovega bit, ali probali smo notat.

u dogovoru s mojin instruktoron.

:O)

e...

uvik ti se pari da drugome gre lakše, da mu gre sve ka po špagu, da nima nikakvih problema, da jema sriće. dikad se pitaš i je li koji vrag trče o' isprid tebe i postavlja ti trapule po putu, e...

moja malenkost je rođena 1972., 35. rođendan baš čekan. toj mojoj generaciji su učinili ovako:

- najprvo je bilo niko malo testiranje za poč u pučku skulu.

- za poč u srednju skulu tribalo je jemat određen broj punti donesenih iz pučke skule i pisat te proč prijemni ispit; danas nima tega prijemnog za srednju skulu.

- za poč na fakultet tribalo je donit određen broj punata iz srednje skule i pisat te proč prijemni ispit, moj fakultet, spli'ski fesb odavno je ukinija ti prijemni.

ma vidi, vidi kako se ti prijemni ukidaju, a?

- ča je tribalo postič za magistrirat neću ovod ni probat pisat jerbo malo bi me ko i razumija, more zapravo svatit samo oni ča je i sam uspija.

- koji su uvjeti da te primi u koju rvacku partiju ne znan jerbo me to nikad nije ni interesiralo. ne znan, naime, lagat i krest. znan radit. zato me interesiralo kako ću osnovat poduzeće. e, čovik moj, koja je to monada bila kad ga je moja malenkost osnivala. katrušina, kapunjera jedna, fila, kapunjera druga, čekanje. u takvin situacijama duperan pacijencu, nima mi druge. sad su to mrvicu pojednostavnili. recimo, mb oli matični broj dobiješ brez vižitavanja zagreba. nekad to, narafski, nije bilo tako, a kako se brez tega broja ne more počet poslovat, uputin se ja u ponoći staron ceston (nije onda bilo dalmatine) do metrople. narafski, učinili samo i telefonsku najavu, rekli da se stiže iz splita, za koju firmu dolazin i tako to. mislite da mi je pomoglo? ma ke, ništa mi nije pomoglo. znate ča mi je ta činovnica rekla kad me vidila? ne znate, a? e, rekla mi je da dođen sutra. narafski da mi to nije padalo ni na kraj pameti. doma su me ti dan čekale punjene paprike za obid i nikakvo višednevno duranje tega boravka u zagrebu nije dolazilo u obzir. zato joj i rečen: " ma šta sutra, a? ja sad gren popit kofi, za ti bokun papira vas se zvalo i na tel., oću da mi to za po ure napišete, poza tega gren doma u split, čekaju me punjene paprike za obid."

kako je ovo finilo, a? a evo piše tot:

ka po špagu, tuci kilometre dok kičma more izdurat

eto, ti put je bija  jedan brzinski ulet-izlet iz metropole, to ću uvik pamtit, e...

vengo, di smo ono stali, a?

- vozački, e... osin ča je financijski krešija kad san ja na redu (sve skupa sa taksama i pregledon likara dodje  oko 5 iljada kuna, u lipu ću van napisat koliko kad mi sve fini), krešilo je i po kriterijima.

ka prvo testovi: 90% triba bit točno i sva raskrižja tribaju bit točna. svako pitanje jema više točnih odgovora i ako nisi sve označija ispitivač ti ga prikriži ka netočno. to san fala bogu položi iz prve i sa maksimalnin brojen bodova, ali moren posvidičit da je ekipa padala samo tako. ka kruške, e... možda kome pomogne ovi adres: www.hak.hr , tu se može vježbat za testove.

 prva pomoć je naučit, odgovorit i proč. to san fala bogu isto sredi.

e, sad vožnja autića. to su narafski zakomplicirali jerbo višje sati triba za vježbu odvozit vengo prije. danas je minimalo 35. aj, nije mi krivo, bolje ću naučit. tega ne bi bilo loše ni još jemat. međutin, ispit je od dva dila. poligon (poligona prije nije bilo) i vožnja gradom. brez položenog poligona nima u grad, a na poligonu se triba pokazat sasvin lipo vještina o' ravno, pa rikverc po krivulji određenoj čunjevima, parkiranje u rikverc, okrićanje autića, brzo kočenje.

http://www.herz.hr/ispit_uv.php - slike morete uvećat klikon.

ovi link stavljan da svi moji dragi kumpanji (ma kojega roda bili) vide šta zapravo triba učinit. oni/e su to polagali/e prije godin i godin kad je bilo bokunić lakše i sad im ja kukan kako se mučin da to naučin, a svi mi pomažu savjetima, lipon riči.

fala vam dragi moji kumpanji, fala vam o' srca!

hehe, ma sve ću preživit. oću. jerbo, navikla se moja malenkost odavno i na trapule i na teško.

ekola, gren ča, vozačku još niman, program za osbosobljavanje vozača mi još dura, ali ću je savladavajući program tega tečaja steč. virujen u to.

a ča uvode i ukidaju, ma friga mi se, e... mora bit da baš tako mora bit.

jemate pozdrav!

SASO, SPLIT

24.-28.10.2007.

detaljnije:

http://www.sasofair.com/

e...

nadan se da ću  za ovo vižitat uvatit bokunić vrimena.

e...

šta san još radi ovi vikend?

filmovi (posuđeno u videoteku, dvd):

Tajne nisu vječne
Duh iz prošlosti
Capote - 5 nominacija za Oskara
Povratak gospodina Ripleya

u svakom slučaju pogledajte prvi i treći, po meni jako dobri psihološko-krimi filmovi!

libri (ovi se upravo počeja):

Irwin Shaw, Mladi lavovi

virujen da će bit jako dobar :o)

izložbe (vižitano u petak, ali još dura):

Ivo Pervan, Boje Hrvatske, povirit u Fotoklub u Marmontovu

ovo je nešto stvarno prekrasno! obavezno vidit.

jučer me tokalo radit cili dan, a danas san uvati bokunić vrimena...

di ćemo, a?

ajde, gren vas odvest u Solin, to je jedno 3 do 5 kilometri o' Splita. kažu: da nije jubavi, ne bi svita bilo, a ča se tiče Solina moremo reč: da nije Solina, ne bi Splita bilo.

Solin jema bogatu prošlost (za više detalja vidi: http://www.solin.hr oli http://www.solin-info.com ) a vrlo je bitan i u vjerskom smislu - siti se npr. vižite pape. narafski, danas tot jema i brdo butigi.

kako do tamo doč? tonobilon je najbolje, a ako to ne morete jema tantobus, br. 1 oli 16. ako (povratnu) kartu split-solin vazmete na biljetarnicu, ona će vas doć 18 kunića.

danas je bilo mrvu friškije, pa san uvati bokunić arije uz rijeku Jadro, učini litrate po Gospinom otoku, na kavicu i doma. drugi put ćemo još štagod slikat za potribe:

www.xvii-online.com

dojam: Solin je čist, uredan, prva liga. postaje misto sve ugodnijeg življenja.

a di se popila kavica, a?

e, poznavatelji solinskih kafića će odma znat di je ovo, a ja ću van reč da je iz tega kafića lip pogled na rijeku. onda koji je, a? dvije palme.

sve litrate oli slije morete nać i ovod:

http://www.flickr.com/photos/xvii_st3/sets/72157602578325871/

http://www.flickr.com/photos/xvii_st3/sets/72157602578325871/show/

posebno guštajte u rijeci, zelenilu, patkicama i pačićima... (da, da, jema i pačića - samo pažljivo gledat, e)

ekola, gren ča još malo guštat nedilju. jemate pozdrav!

umotaj me u jubav,
stepli me.

čini kuco,
pusti da vrime teče.

by XVII, notano maloprije

riva iz večernjeg đira, by XVII, slikano sinoć, klik za veće

e...

na sva zvona su najajvljivali ti joker ča ga je u split otvorija šjor kerum. jema već niko vrime da to radi.

danas san ga konačno poviri (za one ča ne znaju to je tamo di je nekad bila tvornica jugoplastika).

butiga do butige, ali u malo koju vidin ono ča je šesni, urbani, normalni đir. većinon kričave, nešesne kolure, lažni leopard i sl. nije po mome guštu, ma kakvi. čak ni svitski poznate butige (ka ča je beneton) ovod nimaju neku normalnu ponudu ka ča recimo jemaju u centru grada.

na svaki pod po jedan kafić, svita jema, ali to ti je većinon svit ča već gre u čizme (jednom se na ovi blog već reklo dvi tri riči o temu), a moja malenkost je i danas plivala u moru. dugo, e...

ne znan, ne virujen da ću jopet doč jerbo ćutin se drugovačije o' onega ča san tot vidi.

aj, da ne izađen praznih ruku, nađen jedan ruksak  i jedne patike za po merjanu, ništa posebno ni puno skupo, to mi je za rezervu kad mi recimo okisnu moje lipe, udobne i šesne nike -ice, e...

poza tega gren ča. ne osvrćen se jerbo me nije dojmilo. litrati niman, dva tri su se probala učinit, ali su me fermali zaštitari i rekli da im je gazda (valjda šjor kerum) reka da nikome ne daju ništa slikat i činili me da obrišen slije. eto...

neće me tako brzo jopet vidit, brezveze, nešto ča jema svugdi po svitu, ništa novo, ali na balkanski način, đir i mot...

sad sve znate. gren ča. jemate pozdrav!

sunce
galeb povrj glave
lini pogled put pučine
fjaka...

by XVII, notano maloprije

jučer:

od fesba se došlo do stanice na solinsku. nekako. iskreno: bilo mi je grozno! ka da se sve kotrlja o' isprid mene :O(

to mi je bija prvi put u pravi gradski konfužjun. dosad je bilo uličica, ali ne i prevelikog konfužjuna.

a danas?

danas mi se dogodija taj lipi osjećaj tunela.

50 km/h, marjanski tunel. vozin, alo, pa ja vozin. :)

srića mi je prevelika.

sloboda.

samo za taj osjećaj...

i dovozah autić do kašuna. sad ćemo usavršavat sve šlampavosti, na kraju će bit dobro. virujen u to.

e, bravo, more je lipo, dva puta se ušlo. plivan. guštan.

sloboda.

samo za taj osjećaj...

upoznah nike nove dimenzije svita oko mene.

meni, peršoni ča je cili život bila zakleti pješak svit sad izgleda bokunić drugovačije, moran priznat. :)

kašuni by XVII

e...

u današnje foje jema nešto o nikon natječaju za žene poduzetnice. ne mislin se na to prijavit jerbo sebe opće ne smatran nekin uobičajenin tipon rvackog poduzetnika-poduzetnice, jeman jedan svoj stil koji se bitno razlikuje o' vrimena i prostora u kojen san. zadnje ča se probalo je po programu poduzetništvo žena ministarstva gospodarstva i kako se se tražilo za kompjuter, a ne za motiku oli aparat za mužnju krava (neka mi se niko ne uvridi, svaki rad cijenin, ali želin pokazat koliko rvacka (bolje rečeno hdz) u 21. stoljeću pljuje po intelektualnon radu), nije se dobilo ništa osin grubih riči - ma friga mi se, od koga je dobro je, e...

znači za daljnje vrime friga mi se za natječaje, kad je tako nešto samo me toka potrošit pineze za vađanje dokumentacije o' urednosti tvrtke. e, te pineze višje ne dan. rađe ću ih dat sirotinji, e...

ako nekoga, pak, zanima koji je to sad natječaj, neka poviri u slobodnu ovod:

http://www.slobodnadalmacija.hr/20071015/biznis02.asp

nešto drugo oću reč. na istu stranicu o' iste slobodne piše i ovo:

Godine 1955. tiskan je priručnik za žene nazvan "Kućna ekonomija", a mi vam prenosimo nekoliko savjeta iz knjige koju je, pretpostavljamo, napisao muškarac...

- oli se još kupaš, a?

- e...

- je, kupan se još!

- di?

- petak - institut

subota - kašuni

nedilja - kašuni

more je super :o)

*****

ove slije možete nač i zasebno u mome flickru.

"A soul that sees beauty may sometimes walk alone." 

 Johann von Goethe

dok se činija ovi mozak, pojavija mi se ovi lipi citat. :o)

*****

- šta je još novo?

- rečine, srebro piturano u crno, ludilo :o)

za N. od N. oli mene (XVII) i to zaradi tega da bude bolji čovik

e...

ne more čovik ni malo bit sam sa sebon. odma se jave vjerni čitatelji.

jedan o' vjernijih je N.

danas mi je posla niku poruku u kojoj sa puno grubih riči (reka bi on i lipo, ali ne zna bidan, to je tako naučija dok je tuka more i di će sad drugovačije, e) govori da se uželija mojih slika (vidiš N. notajen slika, a ne litrati :o)).

onda smo se poza tega karali. žestoko.

to moramo svako malo učinit jerbo se normalno razgovarat ne smi ni slučajno, e... ko je to vidija, a?

kažu da crvena ruža znači jubav.

evo jedna samo za te N. i to zaradi tega da budeš bolji čovik...

eto vidite kako su me brzo našli oni ča puno puno ne moredu brez mene, a?

ekola, sad gren jopet malo uteč, pa idući post kad bude. ;)

ne bi bilo loše

partit na vijađe nike.

nikome ne reč di...

oni ča me stvarno vole

znat će di san,

znat će kako će me nač.

-------------------------------

ovako, pa kad me jopet bude volja štagod notat, notat ću. danas, sutra, za godinu, dvi, nikad, ovisi kako mi dođe, e...

e..

ćakulan malo na ovon netu...

upravo poslah jednu poruku.

XVII: "prava jubav uvik boli. tako znaš da je prava."

hm?

a triba li baš tako bit, a?

ostavljan ka pitanje za razmišljanje...

možda ipak jema istine u temu.

jerbo, sve su me jubavi bolile.

ma neka, dok boli, barenko znaš da si živ.

e...

prva vožnja po kiši. sad se i to probalo... :o)

neka, sve triba naučit...

*****

- znaš, kod tebe mi se sviđa šta te nije puno briga šta će ko reč, ti jemaš svoj cilj, lipo greš naprid i ne štufaješ se... - pofali me danas.

ko? ma šta morate sve znat, a? jeste kurjoži, a?

neko, nećemo sad sve reč, e...

vengo, mislin se da me puno bilo briga šta će ko reč vjerojatno se puno stvari u mome životu ne bi postiglo i još bi se samo mislilo šta je ko reka. bitno mi je šta će reč nikoliko bliskih i dragih judi, judi do čijega mišljenja ja držin, a šta će tamo neko nesuvislo blebletat o' đeložine oli zaradi nekog šporkog interesa, e, za to, za to mi se friga. dapače, ča višje blebleću ja san u boljoj formi. dakleM, ča se mene tiče, neka samo blebleću. u koju ozbiljnu državu bi ih čovik za laži i klevete tužija i uvatija lipe pineze za to, a ovod moš samo pucat o' smija i reč:

a govorili bi lipo i ponašali bi se lipo da ih je jema ko naučit.

šta će bidni.

jerbo, kućni odgoj, e, šta je to?

znači, ako oćeš doč do cilja, ne obadaji svaku zmiju ča sikće kraj puta. neka ti je bitno šta ćeš sam/a sebi reč (svaki dan bi se tribalo brez muke pogledat u zrcalo, e), šta će ti reč bliski judi, dragi judi, dobronamjerni judi, pristojni judi.

ostalo je brezveze, nebitno, e...

a na nebitno i nebitne ja ne trošin moje dragocjeno vrime.

zaradi tega: stop, fermajemo s ovin, finito...

*****

sad ćemo jopet u prvu,  malo gasa, ops, ops, ne pretjerivat, druga i idemo :o)))

di?

jo, a jeste kurjoži, pa baš bi sve tili znat, a?

a do cilja, e... a di drugo? :o)

ekola, gren ča. jemate pozdrav!

e...

pravilo br. 1

platit svit za njihov rad, skoro uvik to učinin prije petog u misecu, ritko se dogodi čekanje desetog u misecu.

dodatak na pravilo: korektan odnos s ljudima (na ovo se posebno ponosin).

pravilo br. 2

platit firmi/obrtu o' kojega se vazela roba oli usluga. uvik dan pineze prije dospijeća i ne dugujen nikome.

pravilo br. 3

zapošljavanje isključivo stručnih ljudi, drugovačije ne dolazi u obzir.

pravilo br. 4

obavezno rastiran (i to s posebnin gušton) one ča mi probaju bit dužni. tot milosti niman, d.o.o. se osniva zaradi stvaranja novih vridnosti oli zarađivanja, to nije humanitarna organizacija. niko mi ne duguje.

prema strankama/firmama ča su korektni dok posal dura i poslin kad triba platit, nastojin bit deset puti korektnija peršona.

pravilo br. 5

neću politiku u moju butigu. nisan član njanci jedne partije. gledan svoj posal, svoju struku i kad vidin kojega političara obavezno priđen na drugu stranu ulice. ne ližen gujicu ni pricidniku ni premijeru, ove trenutne tretiran ka nužno zlo za kojima ćemo jedan dan reč: završija je kurbin pir.

neću nakazne ideologije i ideje u moju butigu - potiran sve ča veličaju hitlera, staljina, musolinija i sl. krajnje livo je suludo ka i krajnje desno, zapravo svodi se na isto: kult ličnosti, hrpa soldati (oli vojske), sila, tiranija, progoni, klanja, ubojstva neistomišljenika. zaobilazin takve. hrvatska u 21. stoljeću nima ča koketirat sa nakaznin ideologijama ča su nekoga trpale u plinsku komoru samo zaradit tega ča je bija drugovačije vire oli na goli otok samo zaradi tega ča je drugovačije mislija.

pravilo br. 6

pomalo, vrag odnija i prišu. ništa se dobro ne more na brzinu učinit. evo firma gre skoro tri godine ma moja malenkost još nije trkala vazest tonobil, a i kad ga vazmen neće to bit jaguar oli mercedes. oni ča  arče i ponašaju se nerazmno, brzo i propadnu.

pravilo br. 7

nećete me nikad vidit na nikin domjencima i ostalin preseratorskin gluparijama. za to niman vrimena.

pravilo br. 8

kod kupnje uvik tražin višje ponuda iako to ka privatnik opće ne moran po zakonu, ali potribno mi je jerbo meni pinezi za platit robu neće narest na grani oli arivat o' dida mraza kroza fumar, pa stvarno triban nač ono ča je najpovoljnije.

pravilo br. 9

uvik ovin redon: najprvo Čovik, onda inđinjer, pa tek onda šef.

pravilo br. 10

red, rad i disciplina (naravno brez biča, postignuto korektnim odnosima).

jema tega još, ali ko samo i ovo uspije primijenit more reč da je puno napravija.

dalmatino, cukar i sol

najprvo pročitat ovo:

http://xvii-online.com/1/sramota-od-hdza-i-jopet/124160.aspx

e...

ovi o' hdz-a su se oglasili. konačno.

ariva mi je pismeni negativni odgovor, kažu da poticaje moredu dobit oni ča jemaju poveću dobit.

bravo! bravisimo! je li to onda opće poticaj, a? kome će to doč? tajkunima?

i ko triba napunit proračun za te, a? ja? e a da ko će drugi, samo me ovi misec toka dat iljade i iljade kuna PDV-a, a narafski meni o' ove nazovi države ka i uvik ništa. jedno veliko ništa.

glavno da jema za ovu belecu ča in, sa falšetama zaradi kojih je pulicija podnila kaznenu prijavu,  još uvik radi u srednju skulu (skula je u split u zrinsko-frankopansku) u drugi grad po veličini u rvackoj.

http://xvii-online.com/1/sve-za-lipe-joci/89199.aspx

onda, sramiš li se hdz-u, a?

je, kako da ne, pa ko će tin likovima dat srama.

narafski, sve trčen glasat za takve, e... nima šta... bit ću na biralište u cik zore, čin otvori.

iz moje borše, by XVII

e... kako okreneš da okreneš prikovišje piza.

u mene recimo nima rezervnih bičava jerbo bičve još ni ne nosin, pribora za šivanje jerbo moren doč i doma štagod zakrpat, škatule prve pomoći (to nije loše jemat, ali mi ne stane u boršu), milijun tableta (jeman zdravlje, bogu fala), kolonji, parfumi, šminki, češlja (sredin se doma, ne šminkan se) i sl. ka u većine ženskih.

evo ča se obično more nač u moju boršu:

1. ključi

2. očale

3. sunčane očale

4. mobitel

5. takujin, kartice (novčanik)

6. timbar (pečat)

7. lapiši (olovke)

8. još lapiša (za rezervu)

9. lumbrela (oli kišobran- ništa nas ne smije iznenaditi, kiša pada svako malo)

10. vizitke

11. rokovnik

12. spremalica za vizitke

13. spremalica za račune, spise, dopise i sve ča triba nosit na banku, finu, u računovodstvo i sl.

14. digitalac

15. kupaći, bude i koji šugaman

16. spiza za maške, to mi je za ove ča ih trefin isprid kuće,  po ulici i na matejušku

17. papirnate sa vonjen i brez njega

18. labello

19. vip bonovi

20. krema za sunčanje

21. blokić

ajde, da ne lažen nađe se tot i još štagod. sigurno: žvake, sokić, libar  i još svašta nešta.

prikovišje, e... piza pa piza. tribalo bi štagod reducirat, e... samo, sve mi triba :o)

za puno kurjože: sliku oli litrat morete uvećat klikon

• najprvo ćemo jednu sa šlagon na bene.
• poza tega ćemo povirit do instituta jerbo je danas neradni dan pa će po drugin plažama (pretpostavljan) bit prikovišje svita.
• onda ćemo pomalo mudante i ređipet zaminit kupaćin jerbo more je još dobro za banjat se.
• skočit u more i plivat po ure.
• osušit se i poč doma na lipi obid.

za sve one ča ne moredu brez moga lika evo i mirnih litrati oli slika.

morete ih uvećat klikon.

ovo je jedna te ista slija... 

ajmo ča dalje... filmovi ča san ih za ovi produženi vikend posudi u videoteku:

• lovac na jelene (5 oscara), robert de niro, meryl streep, odličan stariji film, priporučan. samo, odvojite dovoljno vrimena jerbo dura...
• 8 žena (1 srebrni medo), odličan krimi-psihološko film, catherine deneuve, samo u francuskin kinima ga je vidilo višje o' 4 000 000 svita
• sentinel agent u bijegu, michael douglas, kim basinger, jamerika, prežident, tajna služba, odličan triler
• slučajni predsjednik, robin williams, dobro za nasmijat se...

a ča se dobroga moglo izist, a?

e, pa sad puno tega lipoga, ali izdvojit ću manistru polivenu šugon o' gljiva.

eto, to je to. za kurjože, e... dosta i previše :O)

gren ča, jemate pozdrav!

svi litrati:

http://www.flickr.com/photos/xvii_st3/sets/72157602303163790/

http://www.flickr.com/photos/xvii_st3/sets/72157602303163790/show/

potpisujen sve osin ovega na kojen san ja...

e...

glavna glumica: Ćićo

misto radnje: moja kuća

kratki sadržaj: najprvo se igra u svih 16, ali kad se uključe kamere pozira, ne obadaje, gušta u svojoj tvrdoglavosti - narafski sve to morate vidit, upravo zaradi tega i volin maške, jemaju svoje JA

scenarij: by Ćićo

režija, snimak: by XVII

vrime snimanja: jutros

rekviziti: grebalica, vridnost 160 kunića; balotica o' karte o' čikolate

ruka: moja, liva, e...

teknika: fotoaparat, KodakEasyShareC360, vridnosti oko (samo) iljadu kunića

eto, to je ka to, uprite na botun i pogledajte film :o)

e, bravo, još napomena: Ćiću ne darijen i ne prodajen, e, to je vridnost prevelika

Weasley Kittens Slipping On The Floor! - video powered by Metacafe

nesto sta ce vas tutokompleto oduševiti.

nađeno na netu :o)

klik za veće :o)

e... evo me...

mrvu san poviri do labuda večeras. sve se sprema za mrduju. vade se jidra, gledaju se brodi. bit će to lipo, jedva čekan, e...

šta je još bilo, a? a evo, mislin da san poza puno posla ovu šetimanu a i one vražje prehlade zasluži jedan sokić, a? evo, ovod ga baš volin popit. odatle se lipo vidi split.

poza ovih litrati XVII jopet vazimlje aparatić i peškaje ova dva ča slide. s posebnin ponoson ću van ih pokazat.

nebo by XVII

san by XVII

sve morete uvećat klikom....

mojoj dragoj S. iskrene čestitke za položen vozački. nadan se da se uskoro vidimo pa ćemo se naćakulat... :o)

e...

ovo su odgovori sandre zvane samba :o) iz dbk-a

kako san danas poviri na njen blog, sad me toka ovo pisat...

5 stvari koje volin:

- letrika, komp, formule, inđinjerstvo šta mi je i zanimanje.

- crtanje/slikanje/fotografija šta mi je dil skoro svakog dana. normalnog, kad se jema bokunić vrimena. u temu aktivno učestvujen. drugi oblici umjetnosti: dobar libar, dobar film, dobra predstava u teatar, dobra mužika, e, to, u temu samo guštan. aj, štagod notan i ja, na ovi blog npr.

 neka svega tega, e...

- beštijice, jeman mace. evo ih ovod. prirodu. more+brodove. cviće, lipu spizu, život općenito...

- moja fameja, moji kumpanji. moje kolege. filip (moj nećak). svoju dicu nažalost još niman, ali nadan se da će ih život ipak dat.

- virovali oli ne, bivše jubavi. doduše, samo s jednin, ovod spominjanin, mogu normalno razgovarat i to iako je čovik na drugon kraju svita već godinama, s ostalima ne (iako je bilo pokušaja s moje strane, ali bezuspješnih). unatoč svemu, ipak ih volin. brez obzira na loše ča se dogodilo, uvik se sitin da bilo je i puno lipih stvari; jubav ti uvik nekako označi život, obilježi te, učini boljon peršonon. svakog bivšeg momka pamtin i po nečem lipom. grubo nastojin zaboravit.

- lupeže, linčine, lažonje i ostale šporkaćune (ma kojega roda i naroda bili)

- preseratore, snobove, nametljivce

- zagušljive prostore

- snig (volin ga samo na kartolinu oli gledat kroza ponistru, nisan tip o' skijanja; ovod dokazano)

5 stvari koje ne znan, a volila bi znat:

- jašit konja

- lipo pivat, a i plesat

- ronit s bocama

- jedrit

- znat učinit dobru pašticadu

e...

danas me jedan momak baš ugodno iznenadija.

doša čovik platit račun. sam, brez da ga ja zoven, opominjen i slično. navodno mu nije stigla naša uplatnica i račun (alo, rvacke pošte, a šta je ovo, a? - preporučeno smo slali, e), pa je doša osobno. iz sinja čak. zove se mario.

ovo bi, zapravo, tribalo bit normalno ponašanje, ali luda su vrimena i prostor, život je posta čudan, a oni ča gledaju škivat plaćanje računa su sve češći.

zaradi tega i notajen ovih par rigi, neka ih... neka se zna kako triba, ča je lipo i tako to, e... bravo mario!

----------------

šta još jema novega, a? a vozika se taj autić, gre, pa ferma. aj, pomalo, bit će to sve bolje i bolje. danas san malo u uličice oko stadiona di nije baš poveći promet. nije bilo savršeno, ali nije bilo ni skroz loše, niko nije satran, u ništa se nije udrilo, pomalo gren naprid :o)

e...

jučer san jopet postavi jedno pitanje. moran, a šta ću...

- kako ću ja iz autića vidit u kojen mi smjeru idu kotačići, a? - pita moja malenkost

- asti sto, a kako ćeš vidit da te niki muškić voli, a? - instruktor će.

- a vidi se, osjeti se, e... - ja ću.

- e, tako osjeti i kotačiće. - nastavlja.

onda je stiga još jedan iz druge autoškole. pita njega:

- alo, kako ćeš ti osjetit da te neka žena voli, a? - pomalo će, vidi se da se znaju

ovi ga gleda, a ja odgovaran:

- kad ga neka žena voli onda mu je tanji. takujin, e...

svi se smijulje, instruktor br. 2 kaže da mora bit da je u životu bija puno voljen jerbo da je najviše pinezi potrošija baš na ženski rod, a ovi number one oli ti moj zaključuje:

- more bit da je najbolje da me niko ne voli, bar ću jemat pinezi, e... :o)

--------

šalu na stranu.

kako ćeš znat da je jubav prava, a?

ljudi viruju da su voljeni, a s druge strane sto i jedan rog im je već naresta. svi znaju za to, a samo oni ne.

kako skontat, kako znat, a?

e...

čovik moj. (more i ženo)

voli te oni/a ča nije uteka kad ti je takujin osta prazan, kad te bolija zub,glava,noga,ruka, duša - svejedno, kad si jema problema, kad su te pljunili i sl.

voli te oni/a ča te prihvaća, ča prihvaća i tvoj posal i tvoju nezaposlenost (jema dana kad i to more nastupit, e), ča ne pljuje sve tvoje, vengo te nastoji razumit, shvatit.

voli te oni/a ča vrime oče provodit baš s tobon i kroza to vrime ne spominje po cili dan bivšu/bivšeg.

voli te oni/a kojem/kojoj se baš ti smiješ najlipše na svitu i kojemu/kojoj je tvoj osmijeh najvažniji i najlipši dar, e...

eto, tako nekako, iz svega tega osjeti, e... Jubav, e...

------

rečeno mi je da ću danas poč malo vozit autić po ulicama grada splita. aj, vidit ćemo oče li bit, ali šta je sigurno, sigurno je: najbolje vam se pozapodne sklonit, e...

--------

šta bi još tribalo reč za danas, a?

a šta vengo:

Sandra, sritan Ti rođendan! (ovo je za moju sestru, e)

e...

uđeš u butigu. sa škancija te gleda mali milijun proizvoda. recimo, uđen u dm. tot samo za oprat zube jema sto i jedan kaladont, puste vrsti pituri za kosu, šampona, pine za banjanje koliko ti duša želi, svega i svačega, ne zna čovik, a pogotovo žena (one su poznate ka neodlučne) šta bi prije vazeja.

gledaš u te bočice, škatulice. kroza ćivericu ti projure sve one silne reklame sa tv (ne moren baš na svaku poč u kondut, niman toliko potribe ni za velikon i ni za malim potribama, e), pa svi oni silni katalozi ča su ti arivali u škrabicu (sve to narafski najprvo temeljito proučin, pa tek onda duperamo za čistit ribu, e), pa onda jumbo plakati u koje si gleda kad ti je dosadilo čitat, slušat mužiku, gledat prirodu, a drugi te još nije doveza tamo di je triba (ovod se podrazumijeva da ti je dalmatinac tipični odma na početku puta uspija dosadit sa svojin grintanjen, ronjanjen, karanjen, maltretiranjen i sl. ; za one ča ne znaju vidi tekst: na ovemu linku).

misliš se poza te silne propagande oće li mi kosa baš o' ovega bit blistava, sjajna, manje suva i sl.

kako pogodit, a? kome virovat?

masu puti te već privarilo, pinezi bačeni.

šta činin u zadnje vrime? a ništa, šta ću činit, e... zapamtin ono ča je bilo dobro i kupin i jopet. ono ča me razočaralo ne vazmen višje i to je to. narafski, nikad prikovišje ni ne očekujen jerbo sve to je puno puti i papilova.

vazmen nikidan niku vrićicu o' keune . kontan valjda će vridit jerbo i pitura o' te vrsti je odlična, dobro pokriva ove moje side ča ih uvatin svaki put kad koja vesela družina velikih nazovi poslovnih judi oliti nazovibiznismena u još veselijin balkanskin manirima ne bi platila račun oli kad je posla puno, a vrimena malo i sl.

na toj vričici piše da će baš to rekuperat moju kosu koja je takva kakva je; čupava, još čupava i jopet čupava. aj, kažen ja, gren ča probat. kontan neću vazest škatulu tega, vengo samo jednu vričicu pa ćemo vidit.

znači gre ovako:

1. najprvo dobro oprat kosu (ja to učinin uvik šamponon i to dva puta - poza svakog puta dobro ražentat)

2. stavit balzam, ražentat dobro

3. stavit sadržaj čarobne vrićice olit maske keune za rekuperaciju kose

4. dobro istrljat, raščešljat, čekat 10 minuti

5. dobro ražentat.

je, upalilo je. baš mi je lipo rekuperalo kosu. sjaji, mekana, ka mali bog. aj, kupit ću i jopet. :O)

ovo triba zapamtit, e...

a šta bi još tribalo zapamtit, a?

a  evo mi nešto za muškiće. ovo su ženskice jučer slale mailon, meni arivalo iz dbk-a, poz. s.

narafski, ženske se smiju, muškići kipe (ovo je zapravo kako ko, znan i normalnih muški koji se čak znaju smijat na svoj račun). ma neka to i oću, e...

dakleM, gre ovako:

Novi program prema Bologni  Program studiranja za muškarce

Model 1: (30 ECTS)

1. Naučiti živjeti bez mame (2000 sati)
2. Moja žena nije moja mama (350 sati)
3. Kako shvatiti da je nogomet samo sport (500 sati)


Model 2: (30 ECTS)

1. Ne biti ljubomoran na svoju djecu (500 sati)
2. Ne pričati gluposti kada moja žena ima posjetu (50 sati)
3. Kako prevladati sindrom daljinskog upravljača (550 sati)


bonus:

4. Ne urinirati oko školjke (167 sati + praktičan rad)
5. Kako shvatiti da se cipele neće same prebaciti u ormarić (800 sati)
6. Kako naći put do koša za prljavi veš bez da se putem izgubi (500 sati)
7. Kako preživjeti prehladu bez drame (100 sati)


Model 3: (30 ECTS)

1. Kako ispeglati majcu u manje od 2 sata (praktičan rad)
2. Probavljati bez podrigivanja dok ona pere suđe (praktičan rad)


Model 4: (30 ECTS)

1. početnički stupanj: kućanski aparati (prikaz sa dijapozitivima)
- ON....upali
- OFF...ugasi

2. napredni stupanj: Moja prva Maggi juha bez da iskipi (praktičan rad)


TEME ZA DISKUSIJU:
(s obzirom na kompleksnost tema, na raspravi može biti najviše 8 kandidata)

Tema 1:
Peglanje - od veš-mašine do ormara... taj misteriozan proces

Tema 2:
Opasnost pri punjenju posudice za led (demonstracija i dijapozitivi)

Tema 3:
Ti i elektrika - ekonomske prednosti kada se zove majstor

Tema 4:
Posljednja znanstvena otkrića - kuhanje i odnošenje smeća NE izaziva impotenciju

Tema 5:
Iako si u braku s njom, smiješ joj kupiti cvijeće (razgovor s psihijatrom)

Tema 6:
Papir za WC - je li papir sam izraste na držaču za papir?

Tema 7:
Kako spustiti poklopac školjke - korak po korak (video konferencija s Harvarda)

Tema 8:
Deterdženti - doziranje, upotreba (praktičan rad se izvodi na otvorenom)

Tema 9:
Osnovna razlika između košare za prljavi veš i poda (laboratorijski pokus)

Tema 10:
Muški kao suvozač - je li genetski moguće da ne komentira kad ona parkira?

Tema 11:
Komunikacija: mentalne vježbe za razumijevanje, ako je nešto u ladici, da se ne pita "a u kojoj?" nego pokuša sam pronaći

Tema 12:
Je li šalica za kavu može sama preletjeti do sudopera? (praktičan dio vodi David Copperfield)

pozdrav lipi!

e...

- ovo su ti računi. aj, gren najprvo izlazni, pa ulazni - ja ću jutros računovođi.

- evo ti i ugovori s radnicima; kako ko, niko višje, niko manje, u svakon slučaju obračunaj ti to meni do sutra, prikosutra, da platin svit - nastavljan.

- sutra će ti bit gotovo, dodji ujutro potpisat - računovođa će.

- a štaš sa svojon neto plaćon, oš i nju puštit odma, a? - nastavlja.

- aj, aj, neka mi se nađe koja kinta u takujinu, neće doč loše, e... - sad se čuje moj glasić.

- evo, čekaj, da ti dan još i ovu odluku ča si nikidan tražila. aj vidi je li tot piše sve šta je potriba? ja mislin da je, e... - nastavljan ja.

- je, to ti je dobro. eeee, sad ćemo PDV - računovođa će značajno.

- aj, samo polako da me ne strefi srčani - ja ću.

- **** - računovođa je samo tiho, mirno i staloženo, prima mojoj uputi, prošapjala cifru, cifru ča je zaradi poslovne tajne označena zvizdicama, ali za kurjože ću ipak reč veću o' cifre šta mi je upravo zdipila ova "kumpanja bela" - narafski, apropo tih poticaja još mi nikakav odgovor nije stiga; papila mujsa te parice pa papila i jezik. dok je ovako, ja ih smatran lupežima, e... a da kako drugovačije, e...

- a? - ostajen paf, višje je vengo ča se mislilo i smislilo u moju ćivericu, pa mi nije baš pravo

- e, **** - ponavlja računovođa.

- asti gospu - ja ću.

- a dobro, jema pinezi, platit ćemo, ali boga mi nastojat ću da to bude zadnji dan jerbo uvik ja u proračun, a nikad iz proračuna ništa meni - nastavljan.

- jemaš prav, učini tako - u računovodstvu uglas svi navijaju za me.

- vengo, more bit da je tribalo mrvu višje trošit, a? - jopet ću ja.

- e... i manje zaradit.... - stiže odgovor.

- a i reč narodu oli svekolikon pučanstvu da ne viruje u nike  pi*darije ča su ih nazivali jamstvena kartica i sl... - ja ću.

dakleM, obožavan misec kad tromjesečno triba dat za PDV, tako da ću vas, svitu moj, o' veselja odma sve odvest u najbolji restoran čin vas trefin; eto, tolika je moja srića, nima joj kraja. zaradi tega van je bolje ne sekirat me ovi misec...

----------------

- a šta ću s ovon ručnon, a? to mi se još uvik miša - ja ću.

- ajde bogati, stvar uvik tribaš spustit doli ako oćeš da igra oli game funkcionira, to bi vi ženske tribale zapamtit - zahebantski će moj instruktor i puca o' smija.

- a je li? a ja mislila da triba najprvo poč gori; ako mi sad trenutno opće vodimo istu spiku, hahaaa - nastavljan ceneći. ne moš mene zbunit, ipak san bi jedino žensko u razredu, na faksu medju ritkima i sl. ovakve priče su mi svakodnevna pojava.

i tako je danas bilo ravno, pa ravno u rikverc (iako je to išlo i ukrivo, (vožnja narafski), ali jema dana, naučit ću), a onda je najedanput reka:

- kad si tako dobre volje, gren mrvu vanka - i izadje iz tonobila

- ajutooooooo, ajuto mama mia, mene je straj, ajmeeeeeee, još je rano - uzalud zapomažen

poza tega me tokalo vozit brez njega. sama. je da je poligon, ali sama. prvi put u životu sama. asti sto, ovo je veliki dan. :o)

još korak bliže mi je murter, neće bit bitna ura o' dizanja i spuštanja (ma mosta u misto tisno narafski, svitu moj, a ča ste vi mislili, a?), bliže mi je i sinj (jerbo, oću naučit jašit, konja, narafski, e :o) - to mi je davna želja), bliže mi je i zadar, dubrovnik, zagreb. ča se tiče splita, tot mi je ionako sve na pet minuti i niman se namjeru vrtit ka trotul po ure za nač parkiralište, pa tot vožnje i neće bit prikovišje, e...

oko ovog vozačkog masu mojih kumpanji likuje (a najviše likuju moj ćaća i jedan moj bivši, to znan. samo vi likujte, tribalo bi van bit drago. oli niste sto i jedan put rekli da moran poč na ti vozački, a?), masu ih dili savite. ma neka svega, sve će dobro doč. :o)

a autić? e, pomalo, doći će i to na red, e... sredit ću i to, narafski. a neću valjda poč pitat autić u tate ili npr. toga bivšega, e...

XVII će, naime, prima uputici o' gorde nastojat ča višje trošit, a ča manje dat u proračun, e...

kad ariva inšpekcija, samo ćemo reč rič vridnu zlata:

- trošak, a šta ćete, e... - evo, baš ovako i nasmijat ću im se ka mona lisa.... narafski, neka budu sritni, bolje ne miritaju, e... :o)

------------------------

kalmaje. prehlada narafski. bolje je vengo jučer, ali još se nije bilo u more. možda sutra oli prikosutra. virujen da će bit još. mora, narafski. jerbo, ovu teplicu je grijota propustit, e...

ekola, gren ča, jemate pozdrav!