da brže prođe vrime (oli u čekanju glamca a more i špara) by xvii

 
 

cima by xvii

martin u oblacima? ne, luka u oblacima :) by xvii

na vesla, pomalo, nigdi nije priša by xvii

sve slikano mobitelom, klik za veće...

e... ajmo ča zabilježit da je danas dan kad je i šjor polančec da otkaz. idemo dalje!

prolaze i odlaze ministri, vlasti, minjaju se šefovi, premijeri, prolazi sve. e ma ja ne gren nigdi, još san uvik 100% vlasnik svoje firme, još uvik živin u splitu, radin punon paron i promatran svit oko sebe, katkad začuđeno, katkad sa smiješkom.

živija privatni sektor! živila poduzetnička sloboda - radiš za koga očeš i s kim očeš, sam biraš radnike i stranke... je da triba radit ka crnac, ali svoju fotelju ne bi minjala za sve ministarske skupa... nima tih pinezi, e...

e... ovih dana se sićamo onih ča ih višje nima. uvik bokun ranije o' prvoga da škivaš oni konfužjun ča je prvoga, a i u druge dane koji opče nimaju veze s tin prvin, ono, kad si blizu, vazmi koji cvit i pođi, nije toliko teško, e... 

tako me naučija moj pokojni dida i ja se tega držin. uostalon, ma ko će to meni nikin dekreton naredit kad ću se ja sitit mojih o' fameje oli o' kumpanji ča višje nisu na ovemu svitu, a?

kad san blizu lovrinca, a jeman bokunić vrimena, pođen i gotovo. kad san blizu murtera, a jeman bokunić vrimena, isto pođen i gotovo.

osin fameje i kumpanji jema još masu svita ča bi mirita da ga se sitimo jerbo su nas zadužili svojin radon, svojon pismom, sportskin uspjesima i sl. jedan o' njih je svakako i tomislav ivčić, piva je čovik samo tako, e... dalmacija je izgubila puno kad je partija, ostatak svita isto. a ka da je zna ča će se dogodit, e... e, mislin na oni vers, e... oni di govori ča će bit kad ne bude nas bilo, e... ajmo, navit ću jednu o' njega, jema je prav, nego šta. i onda kad ne bude nas bilo, pivat će se pisme naše... guštajte, gre puno lipa pisma!

Palo sunce iza surih hridi
mati ceka da se otac vrati
umoran sa polja ka i svi tezaci
vec je vrime da se podje spati

Ali otac ka uvik po svome
u konobu na kapljicu svrati
pa zapiva onu pismu
ca mu lipu mladost vrati

Ref.
Zapivajmo nocas u konobi
nek se stare uspomene bude
tudji covik nikad nece znati
sto to veze dalmatinske ljude

Zapivajmo nocas u konobi
nasoj srici dignut cemo case
i onda kad ne bude nas bilo
pivat ce se pisme nase 

e... našla san se, jema popis ovod :)

http://www.plivazdravlje.hr/volimhodanje/popis

e...

uvik je bilo interesantno kako se u škveru malo malo pa umrače pinezi, a nikad niko kriv.

jedan biži u građevinu (vidi članak slobodne: http://www.slobodnadalmacija.hr/Hrvatska/tabid/66/articleType/ArticleView/articleId/75856/Default.aspx ), a sićan se da je prije par godin jedan uteka i na oni svit.

svugdi oni pođu, ali nikad niko da konkretno odgovara za konkretnu sumu. odlično.

zašto o ovemu govorin, a? zato šta je škver kroza svo ovo vrime bija hranitelj splita i okolice, ali bi pada na državne jasle kad bi mu tribale pomoći a koje su se tribale iščat zaradi vječite marčapije u škveru.

ja ka vlasnik privatnoga poduzeća punin taj državni proračun, pa bi me jel' te interesiralo di mi odlaze pinezi, e...

kako kod mene nima takvih cirkusa, a? zna se odakle mi je svaka kuna, zna se di je otišla svaka kuna, a nikad neću zaboravit da su me iz porezne uprave išli zvat zaradi sume oko kune (da, 1 kune, virovali oli ne, za toliko zovu poštenoga čovika) a na kraju su se ispričavali jerbo su vidili da je sve uredno plaćeno.

kako ta ista porezna ne zove kad se po gradu vozaju tonobili koji se ne moredu vazest o' rvacke plaće?

kako ta porezna ne zove čitavu vojsku svita ča je na crno razvila paralelni sustav ekonomije? itd.

e ča se čudin, baš san šempja, ovi vukasović je ionako samo pijun, meštar sviju hulja je na čudnovat način posta vlasnik svega i svačega, pa eto, stavite mu soli na rep, oli će ga ko pitat odakle mu kuće, reloji (satovi) itd...

sve će to platit rvacki radnik. penžjunat isto.

e...

a kako je prošla nedilja, a? obično, ali sasvin dobro. tako i je najbolje, e...

znan da se čekaju slije, ali žaj mi je, no nismo bili u biogradu na sajam brodova iako smo mislili poč. šta je reč, a? e a sve se spojilo, prehlada, umor,  preopterećenost zadnjih dana, tonobil koji je još u servisu. bila je doduše opcija i još jednega tonobila, ali bilo je i ružno vrime ča je duralo danima i na kraju smo odustali. bit će bolje dogodine, nadan se.

poza kiše uvik dolazi sunce, stiglo je i danas. e, ujutro najranije mi se nije dalo nikoga zvat kad smo već odustali. plan je ionako bija poč jučer. tako san ujutro najranije otišla trčat na merjan (ja van svitu moj ka ča znate slobodno vrime najviše volin provest u prirodi) i to se pokazalo pametnom odlukom jerbo pozapodne su na merjanu viđene ove čunke, a ne mislin da bi se baš puno usrićila u njihovon prisustvu, pogotovo poza svih škandala ča su isplivali na površinu.

ča je još bilo danas? a iskoristila san sunce za oprat nikoliko kajina robe, sve su to bile košulje, fine maje, pa makinja nije dolazila u obzir, ma ke, e... bilo je i još radnih akcija, pomalo nadopunjan www.parametar.hr sa životopisima novopristiglih djelatnika jerbo to neću stič priko šetimane ča stiže, onda ćemo jemat i prikovišje posla, e... uvik nediljon štagod i za posal napravin, pa ča ne bi i danas. e... ka ča znate ja radin vridno, ka mali mrav i nije mi zaradi tega žaj.

tako vridna san ostala deštuko na vijest da će kumpanja bela iz podravke primat plaću dok je u pržunu, ali šta ćemo to je rvacka, zemlja koju eu s nestrpljenjen očekuje pa zapravo ne triba ostat deštuko, tako je kako je, e...

gledala malo materijal koji san vazela na sasu (to ćemo morat još proučit, jema se šta čitat), a sad mislin koji ću libar vazest za čitanje idući jerbo san jedan upravo finila.

moran se pofalit i da san nešto lipo slistila, sasvin dobre su mi bile materine palačinke.

sad ću vas pozdravit, nedilja se pomalo bliži kraju... 

e... more, mriža, prova, vali i ferali... poslušajte, dobra je...  

vrime opče ne liči sve.
neke tuge nikad ne nestaju.

južina im daje forcu.
jačaju, jačaju, jačaju,
sve jače i jače jačaju...

----------

vers by xvii

e... jutros smo bili u vižite sajmu SASO 2009. to je bija ka radni posjet za Parametar doo Split . bilo je sasvin solidno i jedino ča nije valjalo je vrime koje je bilo sasvin gnjilo. karta je 40 kuna, sajam je na spliski žnjan i iako je manji vengo prijašnjih godin jema se ča vidit, more se uspostavit kontakata, upoznat svita i tako to. dosta stvari se more povoljno kupit, a ako pogledate slide show ča slidi morete vidit i vi ča smo sve dobrega vidile, di smo se sitile slikat, ča se izilo za obid itd.

za one ča vole mirne litrate dajen link na album: http://www.flickr.com/photos/xvii_st3/sets/72157622638920248/ -uvećajte klikom.

jutarnji đir by xvii

e...

triba kumpanjima reč ča je novo, ča jema dobro u tečicu, koga se trefilo, ča se doznalo. kud ćeš bolje vengo učinit jutarnji đir po suncu i sve lipo ispripovidit..

e...

poteštat kerum je sinoć izjavon da se razvodi i da već pet godina jema jubavnicu s kojon čeka dite šokira javnost, glavna je tema na spliskin ulicama i kafićima. mislin da nije fer ča je pored žene iša tražit jubavnicu, ali njegov život, sam je izabra kako će i šta će... uostalon, odavno se već šuškalo da jema niku jubavnicu, pa me vijest i nije prikovišje iznenadila.

nisan kerum, nisan ni športaš, nisan ni filmska glumica, a jopet uvik dok prolazin gradon čujen i koju rič o sebi. komentiraju judi koji me opče ne znaju, da znaju prikinili bi govorit kad me vide jerbo ih slušan.

ča su nikidan govorili, a? prolazi ja i čujen:

- evo, nikidan su tražili po splitu ko će radit.

ovi su čak upirali i prston u me. a da ja sad ka i kerum rečen štagod o temu u medijima recimo, a? niman tv (tv di je dava izjave o svome razvodu je koliko je meni poznato njegova), ali jeman blog koji se čita pa ajmo ča reč ovod.

jesmo, jemali smo iznenadni povećani opseg posla i tražili smo još svita za radit jerbo nam je tribalo pojačanje. zvali smo između vlastitih kontakata i onih koji su već iskazali želju za rad u mojoj tvrtki apliciranjima na prijašnjin natječajima. pojačanja san dovela u firmu, ljudi će tot i dalje ostat i radit, upravo i rade dalje i je li možda nekome krivo, a? privatni sektor nije dužan stavljat natječaje, a tražili samo ko će radit, a ne ko će krest.

ča mnogi u ovom gradu traže posal, a mole boga da ga ne nađu, pa se čudon čude kad neko radi i traži i još svita za radit, e to nije moj problem, to je problem u ćiverici takvih likova.

kako se može kod nas radit? jema trajni oglas na www.parametar.hr, budu natječaji, a nekad se more dogodit da i iz vlastitih kontakata oli kontakata zaposlenika vazmen nekoga ako mi je potriba.

ča mi triba donit za dobit posal? diplomu, domovnicu, pristojnost i svoje znanje i rad. to je sasvin dovoljno, višje o' tega ne triba.

ekola finito za ovi put, a ako ovo triba ponovit, ponovit ću i još milijun puti jerbo kako vidin splitu nikad dosta ponavljanja da ja tražin isključivo znanje i obrazovanje - pričaju tako i da san kučka koja traži diplomu na uvid od zaposlenika. ma zamisli, fala bogu da tražin, a šta bi drugo tribalo tražit, a?

e... naglo je zaladilo. nima u nas višje nikih međustađuna, ma ke... do nikidan u more, plivaj, roni, a danas bičve, jaketa i zimski postoli. nije baš da ne volin ovo vrime. jema nekoga gušta u melankoniji jeseni, jema gušta kad se uvališ o' ispod deke i stepliš, po mislima pribireš i sitiš se ča je sve ti dan bilo lipo, promisliš ča je moglo bit bolje oli kad dovatiš koji dobri libar i stranice krenu, vuče ti prima naprid, čita bi i cilu noć da te ujutro ne toka radit. volin i učinit čaj kad zafriška, to mi je isto gušt. snig mi baš nije pri srcu, kad nas on dovati gledan da ne slomijen kičmu oli ne polimin noge, ali kad je ovako i kad nije prikovišje zima, e to, to more stat. kad se mrvu bolje promislin, ni ni dobro da uvik bude lito, priroda mora učinit svoje, njene zakonitosti se moraju poštivat.

a ča očekujen u vrimenu ča dolazi, a? a ča ću puno očekivat, a? kad prikovišje ne očekuješ, ne moš se ni razočarat. evo da recimo rečen da očekujen da će svi lupeži i ubojice završit u pržunu, a poznato je da malo koji završi, cinjeno čitateljstvo ovega bloga bi se počelo smijat. oču li očekivat da svit bude bolji, a? a moren ja očekivat, ali koliko će moja očekivanja pomoć ti boljitak, e to, to ne znan. moren uvik dat sve o' sebe i učinit sve najbolje ča mogu, za to odgovaran, ali za cili poredak i sustav oko sebe, ča ja tot mogu,  ne moren puno,e...

kad san bila mlaja, čudila san se ča to stariji svit uvik spominje niko zdravje, ka da je to nešto puno važno, e... danas znan da su jemali prav. daj bože zdravja, pa će se štagod i radit, a kad se radi bude i koja kinta, barenko da život more ič naprid i da se u pjat jema šta stavit. daj bože uza to i bokunić sriće, one životne općenito  i one jubavne i višje o tega pametnome čoviku ni ne triba. možda još čagod za dušu, koji libar, koji dobar film oli pisma, vonj mora i dobro je...

 nadobro van došla jesen...

e... radin ka konj i danas, a uposlila sam i još svita. borin se ka lavica da im izvučen šta višje posla, staža, pinezi itd.

ajmo ča navit štagod za bolje raspoloženje, gre ludilo pisma.

a za koga gre, a? oni zaradi kojega se smije(n) i plače(n) će već znat, a vi pogodite, e...

pozdravljan lipo, fizika zove, triba učit dicu!

e... lupeškim mižerijama i škovacama za dišpet nabavljen je pristolonaslidnik Paško II. i njegov pomoćnik Paško II. mlađi, potriban mu je jerbo su došla teška vrimena. njih dva su na gornju sliku.

na najdonju sliku je Paško I., moja plišana igračka koju mi je niki kurbin sin (a možda i čer) ukreja na način da je protuzakonito otvorija moj tonobil. ako neko bilo kad i bilo di trefi Paška I., neka mi javi, slidi nagrada.

Paško II. i Paško II. mlađi, njegov pomoćnik

Paško I. - otet, traži se, nagrada slidi

eto, štorija se nastavlja, život gre dalje, ka ča vidite jeman ideji i ne more me se iskopirat.

e...

Ča se to dogodilo o čemu pišen jučer, a?

Neki smrdljivi kurbin sin (a nije isključeno ni čer) je učinija  neovlašteni upad u moga Twingića.

Otet je Paško, moj plišani mačak. Daklem, drage Splićanke i Splićani ako vam je nešto ovako stiglo u kuću oli tonobil znajte da je ukradeno, a onemu ča ga je ukreja ću reč da će mu tribat pomoć s visina i iz nizina ako ga dovatin. Jo ča će me čut.

Svi koji su se vozili u autiću od moje firme znaju da je to bila maskota autića koja nam je ulipšavala kilometre. Pogotovu na duljim putovanjima.

E sad, taj ko je usa je uzeja Paška (nisan sinjala da jos nešto fali), opet zaključa i otiša ča. U Rvackoj vam to naime svak more nekažnjeno učinit, oli je koga puno briga, e... Svak vam more upast u stan, tonobil i brod, baš svak. 

napominjen da o' ovega tonobila samo ja jeman ključ, rezervni je isto kod mene, a vozin ga samo ja.

Paška ćemo teško prižalit, no jema butiga, pa se nadan da ce se pronać njegov pristolonaslidnik tj.  Paško II.  

Nikako nije dobro da je nepoznata peršona otvorila tonobil i to iz niza razloga (mogućnost lupeštine tonobila, mogućnost podmetanja neželjenih sadržaja u tonobil, mogućnost vožnje brez vozačke i izazvanja nesrića i sl.), pa sam otišla na Policiju i prijavila Paškovu otmicu koja je izvedena protuzakonitim upadom u Twingića.

Policija je zapisala oznake, broj sasije, moje ime, pitala za svaki detalj, a auto je do daljnjega u servisu, minjat ce se brave i uvest nove sigurnosne mjere.

Policija ma čak iznenadila koliko je do u detalje sve pitala.

Ovim putem apeliram na cili grad i lipu našu: Ako igdi Paško bude viđen, javite mi, znat ću vam se odužit.

dan san probala ulipšat:

lipin pogledom s ponistre...

kavon poza prijave radnika na mirovinsko i zdravstveno (ovi put nas tot niko nije maltretira, fala ti bože).

lipin pogledon s terace kafića...

razmišljanjen kako bi tribalo vižitat saso u splitu , a da bi svakako bilo dobro poč i na biograd boat show ča je narafski u biograd, jedno i drugo iduću šetimanu.

mrvu jesan bolje, tražin Paškovog pristolonaslidnika, ali kažen još jednom, molin da mi javite ako negdi trefite Paška. mail: nada@parametar.hr

 fala!

e... nešto mi je ukradeno. to nima neku veliku financijsku vridnost, njanci pedeset kuna. to nešto ste masu puta vidili i ovod na moj blog. krađu san prijavila na puliciju. nije stvar vridnosti te stvari, ona nima materijalnu vridnost, eto meni je bila draga i to je to, stvar je čina i poruke koju mi je tom krađom počinitelj ostavija.

znate ča su mi rekli na puliciju, a? sve su popisali, do najmanjega detalja. pitali me sve i svašta i na kraju mi rekli da sam dobro došla.

pulicija sad traga za tim počiniteljem, a ja bi temu počinitelju ako ovo čita rekla da se za provalu i krađu gre u pržun... baš bi volila da tu peršonu  čapaju i tamo otpraše, ne bi mi opće bilo žaj te škovace.

e... ovih dan smo jemali puno posla.

ka ča znate moja firma Parametar doo je ta koja radi prijevode za Hrvatski veterinarski institut, Veterinarski zavod Split ( http://www.veinst.hr  ) za međunarodni projekt CAPS.

najprvo, ča ta kratica oče reč, a? 

e ta kratica oče reč da se u Splitu sve čini da se učini Centar za akvakulturnu proizvodnju i zdravstvenu ispravnost, a triba naglasit i da se vrši razmjena znanja s talijanskim ekspertima, odnosno da se obučavaju naši uzgajivači školjaka i riba. dalje, bit će učinjena i jedna web-stranica, to će vam bit ka GIS i priko nje će se prostorno moč pratit kakvoća mora, zdravje riba i školjaka, a na webu će bit i zakonske regulative, savjeti i još puno tega to na raznin jezicima. jema tega još, koga zanima more mi se javit, pa ću mu dat kakvu informaciju oli kontakt za Veterinarski zavod Split...

ovo bi bilo ka ukratko...

narafski, ne triba nikako priskočit i drage goste iz Italije koji su uz Veterinarski zavod suprovoditelji ovega projekta, to je svit s talijanskoga instituta Istituto zooprofilattico sperimentale teramo Abruzzo e Molise IZS (  http://www.izs.it/IZS/ )

a ko su junaci dana, a? bolje rečeno junakinje, a? profešurice, žene koje su u ekstremno kratkim rokovima pripremile i korektno odradile simultano prevođenje. sve su odradile zahtjevan posal i sve zaslužuju pohvale. najveće bravo za njih!

simultano prevođenje oče reč - sluša na slušalice i odma prevodi svaku rič, ka u ujedinjene narode, e... e to je u Splitu mogla odradit samo moja firma, zaradi tega smo i bili tot... mi smo uvik di je najteže...

narafski, sve je ovo prošlo priko moje kičme, ali sritna san, posal je odrađen, a već smo dogovorili i još poslova preko ovega ugovora...

a litrati? jeman i to...

evo, ovod su mirni:

http://www.flickr.com/photos/xvii_st3/sets/72157622584824142/

a ovod ka slide-show: 

obid je bija svega pomalo pa biraj, riži, lignje, pečeno meso, pršut, sir, francuska, pašte i tako smo i birali i ča se mene tiče HOTELU DALMINA u kopilici u splitu sve pohvale za odličnu spizu, ali i ljubaznost i čistoću...

slušalice i kabine u najam su dali www.expert-congress.com , a damir tomasović i njegov kolega iz firme su tekniku osposobili sasvin uredno, sve pohvale i ča su to morali noćas spojit za danas jerbo se drugovačije nije moglo zaradi zauzetosti sale...

ekola, gren ča, finija je još jedan pasji posal! odradili znalci!

e...

evo baš san bila u jednu veliku butigu. vazela san 5 libri za 50 kuna, točnije 49,99. romani, novi... sritna san i nesritna. sritna jerbo san prošla lišo ča se tiče pinezi, nesritna jer libar piza toliko malo. eto sroza se skroz, pa i jopet svit ne čita.

a ja kad čovika vidin i š njin progovorin jušto dvi rečenice odma znan je li u životu čita oli ne...

o štetnin posljedicama nečitanja jemate ovod, to je za one ča nisu baš redovito povirili na:

www.xvii-online.com.

brod by xvii

pala je kiša,

jesen stiže (valjda),

mokra šuma ujutro najranije tako lipo vonje...

by xviii

e... naj volin one ča pošto-poto oče izist jastoga, a kad triba platit ne bi platili njanci srdelu.

more split dalmacija nebo by xvii

e...

evo jedna o' harija, svaka mu je dobra, ali mislin da ova još nije bila ovod... 

bilo je šest ujutro, vani već svitao je dan, gledam grad miran nestvaran

je li praznik oli ne?

ajmo praznik provest lipo 

sunce,

more,

lito još dura...

fala ti bože na najlipšem moru na svitu, vraća u život.

(je kupanje je palo, lipo je , teplo je...)

a posal, a?

znate ča je pametno učinit kad jemate priliku birat suradnike, a?

uvik uzest najbolje, sposobne, pametne.

kad ih jemaš uza se  i kad dođu veliki valovi š njima je puno lakše, vengo brez njih.

glup šef voli glupane i onda na kraju jema glupu firmu.

pametna peršona voli pametan i vridan svit i onda š njima uspije savladat sve prepreke.

zaradi tega ja uvik biran najbolje ča mogu u temu trenutku vazest jerbo nisan najpametnija.

uvik mi triba još pametnih i onda bude moja pamet + njihova pamet, umnaža se pamet i nađe se put.

uspili smo zafaljujući pametnima koje jeman uza se i sinoć nač ča nam triba i naš brod vozi i dalje sasvin solidno...

e... u deveti misec smo vas izvistili da nam na hrvatskom zavodu za zdravstveno osiguranje čine probleme za prijave i odjave radnika i da time onemogućavaju ustavno pravo čovika na rad. žalosno, ali istinito.

pismeno san se žalila i danas je ariva odgovor koji san prethodno tražila i telefonon.

je da je ovako malo conkulasto za vidit, ali san ga namjerno stavila veće da morete čitat. e sad, morat ću ovih dana jopet doli poč prijavljivat radnike u radni odnos, pa ćemo baš vidit oče li bit dobri i pristojni ti ča rade na zdravstveno.  

e...

cili dan radin, u konfužjunu smo apropo još jednega posla ča ga moramo odradit za jedan veliki projekat i to međunarodni. tot san oko organizacije sa mojin profešurima maksimalno. telefonski i mobitelski operateri su danas zaradili koji šold na nama, morat ću svima dekretom naredit skype na računalu.

inače, ko me tot na ti skype triba more me nač s nada.magazin. kad me na netu ne nađete tako, probajte s XVII oli XVIIst i slično, otvarala ja kako su već bili slobodni nickovi po bespućima neta.

ajmo ča dalje. po natječaju ča je nedavno bija i finija san dovela još jednega inđinjera u firmu, š njin isto jeman posla, najprvo oko ušaltavanja i početaka. narafski, š njin i s još onih ča ih mislin dovest mislin učinit vraški dobre stvari, tako da će posla tot bit uvik. ako je kome krivo, neka pokrene firmu, traži ljude i napravi svoje projekte, ne moren đeložima ništa pomoč, e... radit triba uvik, ništa neće past s kruške.

narafski da smo vječito u potrazi za obrazovanin, pametnin, dobrin i vridnin sviton, pa nam se svi zainteresirani i dalje moredu javljat na naš trajni oglas, (vidi rubriku: o nama), a natječaj san trenutno makla s weba, ali bit će i novih. detalji su na http://www.parametar.hr , fala ti bože i nakon pet godin rada jemamo isto ime i narafski istu domenu.

a kakvo je more, a? ludilo, plivala san barenko uru na kašunima, pa tako uza hodanje danas jeman i tu aktivnost.

ča bi još tili da vam rečen, a? evo, je li more dobra pisma, a? ajmo jedna dobra, neće škodit, e...

e... jemate još vrimena, morete krenit o' isprid teatra oli poljuda, pa do bena na merjanu. akcija dura do 6 uri pozapodne, zove se: hodanje, 30 minuta za zdravlje! volim hodanje! priđeni kilometri jemaju vridnost i to dvostruku, jedna je za vaše zdravje, a druga je ča će pliva dat za njih po svakoj peršoni koja je pridala tiket čagod u humanitarne svrhe. evo litrati iz moga đira.  

e... volin beštije, nađe se i zviri u životu mon. volin maške, pase, tiče, konja, tovara... volin stari spliski govor. kad sve to promišan i još kad mi u ruke dođe libar marka uvodića, ovod se stvori pari rigi citata  o' jednemu šjor tovaru. aj gren prinit ča je notano o ušima tega tovara. jerbo, puno me se dojmilo, e...

kako ćete znat je li tovar cili oli samo na bokuniće tj. mišanca o' beštije, a? po ušima, e... a da kako drugovačije, e...

"Kako je malo posla jema, a ' rane mu nij' falilo, to se on dosta uzobisti. Bi' je posta žestok i jogunast, živi tovar jedan. Nisi mu moga' taknit uši. Tišća' je puno do ušiju, ka' svi tovari, najskoli oni koji tišćidu uspravno uši, pa ne daju da in se uši tičedu. Jemadu u jušiman ka' niku anbic'jun, ka' diču se š njiman, a ko zna kako je to me'u njiman i zašto je to. Oni koji nisu cili tovari, jemadu obišno klepave uši, oni ništa, oni puščadu 'vatat za uši, ma ako su cili tovari, najskoli oni mali krušci, kojiman su uši malo i kraće, odmar navalidu zubiman i nogaman. Branu i' i  ne daju i' dirat, a more bit do kod nji' i jedan ka' ukras, niki ka' ornamenat, a jopet nisu in za ništa tako velike. Ko to more znat?"

izvor: Štorija jednega tovara - Drugi libar Marka Uvodića Splićanina

ekola, gren ča, jeman još tovarećih ušiju po libru (to mi je ka znak) di san sinjala čagod interesantno dok je duralo čitanje, pa ćemo kojon drugon zgodon još štagod prinit ovod. znan, čujen vas ča govorite,  grijota je po libru činit uši, ali ovi čovik je stvarno zna pisat, pa san malo označila, bolje i tako vengo vazest lapiš i mrčit, e...

e... dan je lip, ajmo navit štagod ča jema ritma ;)

brod - kolura i sepia by xvii

jubav - kolura i sepia by xvii

e... jutros san najprvo malo vozila kroza šumu, poza tega hodala kroza šumu. poza svega tega kavica sa šlagon na benama. nije mi tribala jaketa, dosta je i maja kratkih rukav. još je teplo.

vengo, kad smo već tot, ajmo ča malo vidit kako je na benama, lipa je to vala, je li tako, a? 

je da san u gače o' tute, ali jedan litrat ovod svakako triba učinit, grijota bi to bilo priskočit, e... 

za plivanje san okrenila tonobil i otišla na kašune, tot je ipak teplije jerbo deseti je misec. plivala san barenko uru, more je višje vengo dobro.

sad san doma, gledan twingića s ponistre (fala ti bože na mistu) i ka ča priliči jesenskom danu, slistila san terinicu đelata.

nešto će o' jeseni ipak danas bit, e...

ča mislite ča, a?

evo znan da ste puno kurjoži, pa van gren reč, e... bit će paštafažol za obid, mater mi ga kuva i to će bit gušt pravi jerbo to narafski puno puno puno volin.

vrime je da se izi i koja spiza ča gre sa žlicon, jerbo, je li jesen oli nije, a?

ekola, gren ča, ono ča je u teči me zove. pozdravljan lipo.  ugodna nedilja.

e...

evo i nešto skoro pa friško. sinoć san pri one dvi kapje kiše učinila đir priko grada. evo  niki litrati, slikano mobitelon, mislin da su nisu loše ispali. morete ih ka i uvik uvećat klikom. 

lučka kapetanija by xvii

e... triba se rekuperat poza onega šjor primorca (prethodni postovi), evo nešto normalno, lipo, za guštat. stari split.

Policija ne bi podnijela kaznenu prijavu da nije imala elemenata.
A Vi nista niste znali?
Netko Vam je ukrao na desetke preporucenih obracanja?
Nevjerojatno.

Ajte molim Vas, idem raditi, imam ozbiljnoga posla i nemam vise vremena za Vas i Vase negativne emocije...

I ne, nemamo mi sto razgovarati, ni u Splitu ni u Zagrebu...


Nada Magazin


 
mr. sc. Nada Magazin, dipl. ing.
direktorica
Parametar d.o.o.

> -----Original Message-----
> From: Dragan Primorac <dragan_primorac@yahoo.com>
> To: nada <nada@parametar.hr>
> Date: 01-10-2009 09:37
> Subject: Hvala na Vašem e-mailu
>
> Poštovana gospođo Magazin,
>
> drago mi je da ste na kraju Vašeg pisma napisali "Pametan covik uvik nadje puta" jer očito da ste Vi Vaš put pronašli. No ja Vam želim da Vaš put bude vezan i uz istinu, jer inače sve postaje upitno. Naime, zapošljavanje u školama nije kako Vi kažete u ingerencijama Ministarstva već pojednih škola (ravnatelja), a novim Zakonom o osnovnom i srednjem školstvu upravo na moj zahtjev uvršten je članak kojim se osigurava da se niti jedno zapošljavanje u školama više ne može dogoditi bez prethodne suglasnosti školskog odbora (kako jedna osoba osoba ne bi odlučivala o natječajima što je bio slučaj desetljećima).
>
> Kad sam se vratio iz SAD-a dugo sam u bolnici radio bez ikakve naknade (kao dr.sc.) no nisam nikoga optuživao,mrzio ili vrijeđao pogotovo ne ministra već sam slično kao i Vi prošao svoju Golgotu i Bogu hvala našao svoj put. Prošli put sam Vam napisao da smo u mome mandatu u sustav obrazovanja zaposlili više od 9 000 nastavnika, znanstvenika, profesora, što je najveće zapošljavanje u tom sustavu ikada.
>
> Iako uistinu ne znam o slučajevima o kojima govorite (nadam se da niste niti pomislili da bih trebao znati svaki pojedinačni slučaj prosljeđen Ministarstvu, a takvih zna biti i više od 1000 mjesečno), poznato Vam je da tek kad presuda postane pravomoćna Zakon omogućuje da neka osoba dobije otkaz. Da nije tako "Zakon ulice" bi odlučivao kao nekad na "Divljem zapadu" o sudbinama ljudi, danas Vaše, a sutra moje. S druge strane, vjerujem da ste čuli da sam osobno s udrugom Zviždač po prvi put u obrazovnom sustavu RH pokrenuo suradnju na istraživanju korupcije i svega ostalog u sustavu obrazovanja (uključujući Pučko učilište i niz drugih institucija za koje smo dobili prijave). Nikada nisam niti od udruge Zviždač čuo o slučajevima o kojima ste govorili, a nisam o njima niti pročitao u medijima.
>
> Lijepo je što ističete da je u Vašoj tvrtki Parametar, društvo znanja i to me iznimno veseli, ali nadam se da ćete se složiti da je barem jednim manjim dijelom to društvo znanja zaživjelo i u brojnim drugim institucijama u Hrvatskoj i Splitu (vjerujem se da znate da je na početku moga mandata u prosincu 2003 u Splitu studiralo 8500 studenata, a da ih je danas u jednom od naših najsuvremenijih Kampusa više od 26 000).
>
> Poštovana gospođo Magazin, vesele me Vaši uspjesi i nadam se da će ih biti još mnogo. Isto tako sam uvjeren da će Vam istina biti nit vodilja u Vašim daljnim aktivnostima. U konačnici, možda se u dogledno vrijeme i susretnemo u Vašem i mome Splitu kad ćemo imati prilike izmjeniti moju i Vašu istinu, iako je ona, a u to sam duboko uvjeren, samo jedna.
>
> Srdačan pozdrav Vama i svim Vašim djelatnicima,
> D.Primorac

e...

najprvo da vas sitin, dragan primorac je jedan od onih ča su učinili web-stranicu di im se fotano pučanstvo more javit jerbo će baš oni sve njihove probleme riješit i to kad postanu pricidnik rvacke države.

to je oni isti šjor ča je bija ministar prosvjete i znanosti, pa je nikidan da otkaz. ma niste ga zaboravili znan.

na tu web-stranicu san mu poslala poruku da san ga višje štufa, a najpri zaradi falšeta po skulama - zaposleno za vrime njegovoga mandata.

znate ča se dogodilo, a? stiga mi je mail. šjor primorac čak zna i odgovorit na e-mail, dosad san mu ih poslala cilu hrpu, ma mu to nije palo na pamet. interesantno. skroz.

konačno će se riješit K.K. u T.Š. u Splitu (još uvik notajen inicijale iako svi znaju o kome je rič). a znate li ko će taj problem riješit, a? ne znate, a? osobno dragan primorac, miništar ča je da otkaz sam sebi, a nije zna ovoj sa falšetama dat otkaz, miništar za čijega se miništrovanja ta gospoja zaposlila, najprvo na određeno, a kad je bila svugdi prijavljena (inšpekcijunima, policiji, ministarstvu itd.) i za stalno u državnoj skuli.

kako to znan, a? obeća mi je dragan primorac u svojoj leteri, eto kako znan.

(ovo je bija mail ca san ga sinoc poslala zaposlenicima, kumpanjima, poznatima... poslin sildi moj mail potencijalnom pricidnickom kandidatu, njegov meni, a oni najprvi san van opisala ričima na vrju ovega teksta). 

---------------------------------------------

Dragi svi,

evo, svi znate kako u skoli radi gdja sa valovitim pecatom,
pokazala sam vam, pricala,  vidili ste na netu...

http://www.xvii-online.com/p-sve-za-lipe-joci/89199.html


Dragan Primorac sad oce bit pricidnik drzave. Ima web-stranicu,
moze mu se tu pisat. Ja mu lipo stavila link na taj pecat sa valovima
i rekla mu da nas postedi jer da mu je ta gdja jos uvik u skoli.

Virovali oli ne, oglasija se...


Ma odgovorila sam mu, saljem sve, pa citajte...

Ako jos bude stagod napisa, poslat cu vam i to da budete u toku.


Ako nista drugo, ovo more bit neka satisfakcija, za sve one dane kad se bilo bez posla,
za one dane kad su nam se bahatili, kad se nisu udostojili odgovorit, kad su vriđali itd...
Vidi vidi kako sad mailove pisu....A? Mozda bi sad tili glas obrazovanih ljudi, ko ce znat.... :)))

Dragan Primorac ce osobno rijesiti gdju s krivotvorinama, jo, jedva cekan taj dan :))))

Pozdrav!
Nada

 
mr. sc. Nada Magazin, dipl. ing.
direktorica
Parametar d.o.o.

-----Original Message-----
From: "nada" <nada@parametar.hr>
To: "Dragan Primorac" <dragan_primorac@yahoo.com>
Date: 30-09-2009 23:26
Subject: Re: Hvala na Vašem e-mailu

Za Vaseg mandata sam s magistarskom titulom elektrotehnike - elektroenergetike bila bez posla,
a u isto vrijeme je Vase Ministarstvo pomoglo osobama s krivotvorinama da rade u drzavnoj skoli.
Sve sam Vam uredno prijavila, nista niste poduzeli.

Sasvim je nebitno bilo sto sam Republici Hrvatskoj dala znanstveni doprinos,
bas Vase Ministarstvo me sprdalo kad sam se obracala.

Vasa inspektorica Lidija Vukasovic je meni prijetila , a njen zadatak je bio da uradi sve da skole radi po Zakonu.

Policija u Splitu je protiv K.K.  zaposlene u T. Š. i podnijela kaznenu prijavu Drzavnom odvjetnistvu,
no ta gospodja jos uvijek ima radni odnos u T.Š. u Splitu koja mi za nju nije imala pokazati ni diplomu ni domovnicu
ni radnu knjizicu, a na Uvjerenju o strucnom ispitu joj zig izgleda kako na slici ciji sam Vam link poslala.

Taj dokument je Policija ocijenila krivotvorinom i Odjel za organizirani kriminal je podnio kaznenu prijavu, a Vama i gospodinu Kajmaku
sam ga osobno dostavila bar 10 puta.


Znate li gdje je zemlja znanja? U tvrtki Parametar doo Split (moje vlasnistvo) koju sam stvorila s ljudima koji su s prosjecima iznad 4 bili bez posla,
njihove zivotopise mozete naci na http://www.parametar.hr

Skole su ih odbijale dok ste Vi bili  Ministar.

Ti ljudi se na spomen Vaseg imena jeze, a posao sam im dala ja kad nitko nije htio. Bar honorarni, bar određeno, bar da ne izgube ljudsko dostojanstvo.
Svaku diplomu sam osobno pregledala.

Kako ja nisam zaposlila nikoga bez diplome?

Znate kako?

Oni sto ne znaju meni ne trebaju, mi novac moramo zaraditi, nece nam ga nitko dati.
Kako punim proracun, naljepse Vas molim ajte ca iz politike, niste za to.

Kako cete rijesiti drzavne probleme kad
ste pustili da djecu i drzavnim skolama uce osobe koje krivotvore?



Danas, kad moje poduzece radi vec pet godina i kad je u njemu stvarno znanje i red,
zahvalna sam sto ste onemogucili moje pravo na rad,
nitko me ne moze maltretirati ni ucjenjivati, sebi sam gospodar.

Da niste bili takvi, meni danas ne bi bilo tako.


Pametan covik uvik nadje puta,
fala lipa.



Nada Magazin


 
mr. sc. Nada Magazin, dipl. ing.
direktorica
Parametar d.o.o. 

> -----Original Message-----
> From: Dragan Primorac <dragan_primorac@yahoo.com>
> To: nada@parametar.hr
> Date: 30-09-2009 23:04
> Subject: Hvala na Vašem e-mailu
>
> Poštovana gospođo mr.sc. Magazin,
>
> najljepše Vam hvala na Vašem e-mailu. Tijekom moga mandata učinio sam sve što sam mogao da se vrati dignitet obrazovanju i znanosti i to u cijeloj vertikali, od osnovnog pa sve do visokog obrazovanja. Stoga smo nakon 60-tak godina uspjeli ukinuti tzv "treću smjenu" i to izgradnjom ili dogradnjom više od 350 škola.  Kao što i sami znate, uveli smo dva strana jezika u osnovne škole, zaposlili više od 9000 nastavnika, profesora i znanstvenika, informatizirali cijelo školstvo (1300 škola i sva hrvatska Sveučilišta), otvorili 6 veleučilišta i 2 sveučilišta, osigurali povratak znanstvenika iz inozemstva (120 doktora znanosti), itd.itd. Nakon desetljeća čekanja donijeli smo i Pedagoški standard, a Nacionalni kurikulum je pred donošenjem, prvi put u povijesti RH. Sve to je bilo u namjeri da Hrvatska uistinu postane "društvo znanja". Danas je prema projekciji Zavoda za statistiku, Hrvatska s brojem visokoobrazovanih osoba u dobi od 25-64
>  godine (18.5%) sustigla Austriju, Italiju i druge države u regiji.  Osobno ću i dalje činiti sve da Hrvatska, uistinu postane "država znanja". Nadam se da ćete i Vi tome doprinijeti koliko je to god i u Vašim mogućnostima. Glede krivotvorina o kojima pišete, osobno čujem po prvi put, a ako imate kakav konkretan dokaz protiv osoba o kojima govorite, najljepše Vas molim obavjestite nadležne institucije (a ako Vam je potrebna moja pomoć rado ću Vam pomoći kako bi istina došla na vidjelo).
> Srdačan pozdrav, uz najbolje želje.
> Dragan Primorac