e... priko parka emanuela vidovića, staroga placa i eto me do raja na zemlji. :o)

smokva je prolistala:

skromni cvitak mi je uvik bija drag, po mon guštu:

ajmo ča uvatit i kolure prije kiše:

narafski, vatan i kolure općenito:

pa čak i one ča se tek naziru:

koga zanima još litrati o' danas pozapodne neka poviri ovod:

http://www.flickr.com/photos/xvii_st3/sets/72157600038685035/

ekola, gren ča pojist bokunić sirnice. stojte mi dobro, jemate pozdrav!

dakleM, pulicija podnila kaznenu prijavu na državno odvjetništvo. za one ča nisu pratili o čemu se radi: na netu u nastavcima iznosin koliko u rvackoj u praksi vridi znanje, koliki je birokratski put, ko sve radi po rvackin skulama i tako to, e... da barenko bokunić informiran one ča informirani nisu.

šporkarije zaradi kojih je pulicija podnila kaznenu su opisane ovod:

http://xvii-online.com/1/sve-za-lipe-joci/89199.aspx

e...  ovo je iz internetskog izdanja metro expressa. izašlo je i na izdanje o' karte narafski. fala in za pohvale, narafski. samo niman 5 blogova, ko bi to stiga, jeman samo ovi:

www.xvii-online.com

on mi dođe ka niko centralo misto. tot objavin puno tega, a onda se to stivaje u recimo ricete, galeriju o' slikarija i crtarija, galerije o' litrati, zbirke versi i tako to, e...

ovo su van rekli da vižitate moj info na www.netopolis.hr , e... a ti info je narafski na adresi:

http://www.netopolis.hr/profiles/xvii , tot je trenutno otvoreno 5 blogova, istina, ali sadrže samo linkove na ovo ča se događa ovod. jeman u planu i na www.netopolis.hr nešto započet notavat, ali stvarno ne znan kad ću i za to uvatit vrimena jerbo mi u zadnje vrime radni dan dura i po 15 uri. ipak, virujen da će nešto bit... :O) 

ako niste još, učlanite se u www.netopolis.hr , ne boli ništa, ne triba ništa ni platit, a zabavno je... besplatno morete čitat i metro express :O)

ekola, gren ča, jemate pozdrav!

slikano nikidan, by XVII

Prije jutra ribari se bude,
More zna njih, more zna te ljude
Prije jutra u zoru
S galebima na moru
Na poštama sunce čekaju

Svako jutro parangale dižu,
Vižitaju i vršu i mrižu,
A galebi čekaju
Da i njima ča daju
U ribare oni viruju

Noć je mirna vali spavaju
Pod svitlom se ribe skupljaju
Špurtilon i ostima
Dobit će po kostima
Kad se smire kad se pridaju

U dubini mriže parangali,
Na pučini bile se sinjali,
Tiho kraju veslaju,
Malu barku guraju,
A ribara ruke izdaju

Prije jutra umoran
Ribar čeka novi dan
Dok svi ljudi spavaju
Galebi se karaju

Vinko Coce

e...

otvorin ja danas vrata o' ureda, uključin ovo škatule i počnen svakodnevni posal. kad zvoni telefon.

- alo, alo, pulicija ovod. odjel za organizirani kriminal, kad morete doc u zgradu pulicije, onu glavnu, onu ča je kraj suda, a? sve zaradi ovega ča ste prijavili i tako to (http://xvii-online.com/1/sve-za-lipe-joci/89199.aspx, dakleM, misli se na šporkarije maloga marinka, e...)

- a slušajte šjor, evo baš san u nekon konfužjunu, uzimamo nove ljude za radit pa san oko tega, u ponediljak mi je isto tako, ma eto, doću nekako za po ure, e...

poza tega smo sve ovo ča je ovod na ovi internet odavno i ča svi znaju odavno, po ne znan koji put ispripovidili puliciji, ali ovi put ovoj ča je o' organiziranoga kriminala. otišlo ovi put oko uru vrimena i eto me sad jopet u uredu, radin. i sad eto, znan da ste kurjoži (to ovi ča još nisu skontali di je gospoja Y i u koju je tu skulu), ali o potpunin podacima ćemo zaradi neometanog rada pulicije još malo činit kuco. no, to ne znači da to neće osvanit na ovi internet kad me štufa čekat da nešto učine. eto, pa strpljen spašen. jerbo, pacijenca je vrlina.

ekola, gren ča, jemate pozdrav!

tedi spalato, dalmatino poviscu pritrujena

jedan lipi spot za ovu kasnu uru....

jubav, by XVII, slikano na merjanu jučer

jubav, cviće, proliće, by XVII, slikano jučer pozapodne

http://www.imamnovac.com/

http://www.imamnovac.com/Ugovor-o-djelu/48.aspx

e... korisni linkovi. ovo notaje oni isti ča jema blog o pinezima i ča je bija nikoliko puti na tv u zaradi šoldi.

pozdrav temu šjoru, narafski. :o)

povirite, morete naći štagod zanimljivo, trenutno jema jako dobar članak o honorarnon radu oli ugovoru o djelu.

e da mi je neko reka, u ono vrime dok mi je dura studij, da ću morat uza sav moj posal mislit i o profešurima raznih jezika, karticama teksta i sl. čovik bi mu reka da je infiša, da ča se to mene tiče, da ću samo letriku radit, e...

je, je. roge ćaćine. ma ke. a kako je u praksi, a?  koliko je vrimena realno radin? a more bit nikih 5 do 10 % radnoga vrimena, a o' tega najmanje činin elektroenergetiku koja mi je zanimanje, moja jubav i zaradi koje se mladost ostavila u formulama.

ča činin u ostalo vrime? falili ste ako mislite da samo guštan. evo ću van špijat. napominjen da u mene nima sastančenja, to je gubitak vrimena. narafski jopet dosta vrimena gre na rubriku telefon, mobitel, e-mail, dogovori, razgovori. zatin klasična pošta. poza tega kartušina, barenko dvi ure na šetimanu sidin u računovodstvu i potpisujen hrpe i hrpe kartušine (to je još dobro kad je tako), naplata (najveći problem u rvata, ali ipak uspijen da se nikome ne duguje i da mi niko ne duguje). dogovaranje novih poslova, dogovaranje reklama, dikad put. internet, web. domjenke nastojin škivat. novogodišnje čestike šaljen. na banku i finu ka i poštu gren redovito. dikad na poreznu. u ostale buže o' države pošaljen g. redovito, a ja pođen dikad.

trenutno uza moju malenkost mislin na još 8 svita ča se ne zove ka ja (ugovori, mail, web, razgovori, jesu li odradili, jesu li plaćeni i sl. narafski, slušan i njihove privatne radosti i žalosti).

ako mislite da je to sav svit na koji mislin, privarili ste se. a di su dobavljači (npr. karta, uredski pribor, hosting i sl.), naručitelji poslova, poslovni partneri. na konkurenciju ni ne stignen mislit, a boga mi tribalo bi malo i to. jerbo, čini mi se da niki prikovišje misle na me, a premalo na se.

toka me čitat i puste zakone ka da san pravnik. o ekonomiji me na moj fakultet o' letrike fesb nije naučilo praktički ništa, ali danas već znan i o tome nešto.

moren sad ovod još nabrajat, ali neću. da ne ispadne da grintan.finit ću sa:

je mi lipo, jeman vizitku na kojoj piše mr.sc., dipl. ing., direktor i tako to. samo mi je 34 godine. guštan, a pinezi arivaju. baš meni, e... jerbo me puno vole. i stignu tako, sami o' sebe, brez se puno umorit. :o) 

a samo me je zanimalo ča se to dogodi kad udre grom i kako se to letrika učini u zakučac, a meni doma svitli žarulja...

e da mi je neko reka...

dakleM, ovod vam je firma (www.parametar.hr), obično raspetljavamo ono ča drugi nisu znali/tili i tako to... nismo lini, zovite, bit će nan drago. :o)

jemaju nike zanimljive brojke

22 000 kuna neto? ma zamisli. i sve to za velike zasluge i puno pošteni rad. kako je misto ove radnje split dajen van link pa proćirite.

Cviće by XVII, tempera, 2007.

http://xvii.exto.org

Papagalo by XVII, tempera, 2007.

http://xvii.exto.org

Tulipani by XVII, tempera, 2007.

još:

http://xvii.exto.org

meni, za devetu godišnjicu diplomiranja :o)

Tomislav Bralić, klapa Intrade, ludilo pisme, obavezno poslušat...

Znaš li?

znaš li da si

u morskin valovima,

pjeni,

na salbunu,

u ariji,

zelenilu,

cviću,

leptirima,

mirisima?

svugdi Te jema.

moja si prva  i zadnja misao svakog dana...

moj česti san.

Le papillon bleu sur la fleur, by XVII, tempera, 2007., klik za veće

još ovod:

http://xvii.exto.org

M A T E J U Š K A

by XVII, o' danas

e... emisija šjor Milića... upravo pričaju koliko vridi znanje u rvackoj i kako se svit o' letrike dobro i brzo zapošljava. za puno velike pineze, debele bušte. je li tu neko danas pijan oli šempjan, a? uspijen ih dobit na 016115555. za pravo čudo. i zamolin ih da ne šire laži i dezinformacije, da je moja malenkost i sa magistrijen letrike bila brez posla (6 i po godina, posal se tražija po ciloj rvackoj), nezaposlenih inđinjera jema masu, a i moja peršona bi još uvik bila među tima da nije osnovano moje poduzeće. eto, moje poduzeće danas zapošljava svit, jedno je od ritkih ča radi, ča nije u blokadi, ča plaća djelatnike, ča odrađuje poslove, ča ne duguje, ča mu ne duguju, ča nije samo na papiru vengo funkcionira. e i neš ti, pa nije nekoliko takvih poduzeća dovoljno za privredu jedne zemlje.

kroza to vrime događaju se šporkarije maloga marinka, to je na cijeni. fermaje me svit po splitu, većina ih je pogodila di je to, ali nećemo još ovod reć tutokompleto informaciju; no, bit će obećajen.

a čut milića, pa onega vedriša ča ga je doveja u emisiju i ministra primorca, uajme,  pari da ovod samo za znanje država postoji. je, kako da ne. lud oni ča im viruje...

08.03.

e...

evo gren, dok pada ova kiša, probat napisat dvi tri rige na temu jubavna štorija. kako je za jubav jedno malo, a troje prikovišje odredit ćemo da ih je u tu štoriju dvoje. ajmo ča reć i da to dvoje živi u najlipšen gradu na svitu, a to je split narafski. split nije niki velegrad, jedan srednji grad u kojen svak svakoga zna i svak je svakome susid. ako ne prvi, a ono drugi. neka tako i dvoje iz ove štorije živi u susidstvu. ono, dili ih jedna veća ulica i još di koja manja. na par minuti hoda su. ona je brineta, smišnica, a za njega ćemo reć da je visok, naočit, zelenih jočiju. oboje su pametni, jemaju i dobra zanimanja. neću van ovod reć kako se zovu, neću van reć njanci njihove inicijale, eto, neka su isti, a imena neka im budu u nikoj ka suprotnosti, kontri. to zapravo opće sad ovod nije bitno, može se štorija odnosit na bilo koga, svaka jubav je posebna, ali štorija more bit primjenjiva na raznorazni svit, e... kako su dalmatinci, tako oboje vole more, brodove. narafski, vole i lipu spizu, pismu, život i svit. oboje su temperamentni, a to oće reć da bude puno lipih riči i stvari u njihovim životima, ali kad se dogodi karanje zna kroza zube proć i grubih riči. ne misli se tako, masu puti se vidilo da se oni zapravo vole, ali eto, dišpet, inat, temperament i dogodi se. ma zapravo, nije to ništa čudno. oli se ne reče: di nima svađe nima ni jubavi, a? kako jubav nikad ne gre skroz glatko, tako su se i oni pokarali. narafski, ne moredu bit do groba svađeni pa su poza tega ratnu sikiru i zakopali. šta onda fali? - pitat ćete. e, a nisu se još pomirili na oni lipi i šesni način, da budu jedno kraj drugoga i da joj on i jopet isprid sto svita na recimo kašune sasvin glasno reče: znaš, volin te, volin te, ali ajme, ove tvoje kontre će mi život skratit, e... pitate se, znan, u koje bi vrime mogli smistit ovu štoriju, a? a ajmo ča u današnje, kad jema teknike, e... kako je čitate na blogu, ajmo ča i rič blog ukomponirat u sve. recimo da ona jema blog. a šta on čini, a? on joj je jedan od najvjernijih čitatelja narafski. i narafski da višje čita ti blog kad su pokarani, vengo kad sve gre ka po špagu. jerbo, kad sve gre po špagu nima vrimena svako malo trkat na ti blog, dođe jednom, dvaput dnevno, vrime provodi š njon. znači, situaciju ste skontali. trenutno je na ti blog često. rano ujutro čin dođe na posal, pa oko marende, prije poslin, prije vengo gre doma, dosta puti o' doma i tako to. znan da su oboje dišperani ča je tako kako je, ali kako će to sve skupa finit ne znan, a moran ovi post finit jerbo smo rekli jubavna štorija. neka to dvoje jubavni jubavni roman notaju sami. tako će im najbolje ispast, e... znači, tribalo bi finit. a ča vi to ne bi finili, a? evo, dajen na glasanje, vi odredite vaš kraj, konec, the end, a ča će sa ovo dvoje bit realno neka sami odrede. jednom ću vam možda i špijat ča se dogodilo, e... :o)

zaradi čega on dolazi tako često na njen blog, a?  => glasanje na desnu bandu bloga.

ovako ste glasali:

proliće stiže, by XVII, slikano jučer, u splitu narafski, klik za veće

svaki ovi pojedinačni litrat morete nać ovod:

http://flickr.com/photos/xvii_st3/sets/72157594551888551/

jučer me oraspoložilo ovo cviće. sad ću š njin na blog da i do vas donese dah prolića ča stiže. novi život se budi. niki su već skočili i u more. ne na bačvice u plitko (tot se banjaju cilu godinu), vengo na kašune. ja ću za to počekat barenko četvrti misec. do tad guštan u zelenilu, cviću, svakoj latici, mirisima ča šapju:

još samo malo i ono je tot.

blizu nas, oko nas, u nama.

jemajte pacijence za ga dočekat,

neka vam se događa su puno jubavi

najlipje godišnje doba - Proliće.

vers by XVII

by XVII, slikano sinoć, klik za veće, pojedinačno ovod: http://flickr.com/photos/xvii_st3/sets/72157594473748022/

e... evo koliko je pomrčina miseca uznemirila moje maške, 0%, e...

jedan veeeelikiiiii zijev i nastavlja se kunjat. tutokompleto pomrčina, tutokompleto pačifiko, tutokompleto fjaka. :o)

e... kažu da danas tice ludo lete.

more bit da je to istina. evo nikoliko mojih litrati iz današnje skitnje.

kažu da se danas svit ćuti smantano, nervožasto, dišperano...

šta činit? a svitu moj, viruje se da zeleno smiruje, paaaa gledajte u zeleno. :o)

e... s obziron da me niki kurjožo pitaju di je slikano ovo cviće , špijat ću van samo nika mista di se slikavalo pa poslin izabralo najboje za net: matejuška, lučac tek su nika mista di su učinjeni litrati za potribe posta o' nikidan. još cvića jema ovod:

http://flickr.com/photos/xvii_st3/sets/72157594551888551/

ostala mista? e, za to znat triba sa menon učinit đir, a ne samo na blog dolazit, e... jerbo, lipo je jemat blog, šesno je i simpatično, ali blog je tek bokunić života, a dan dura 24 ure i svaki momenat se nešto novo, nešto drugačije i nešto posebno dogodi ;)

litrat (kodak), crtarija (lapiš oli olovka) i slikarija (tempera) sve by XVII, 2007.

klik za veće.

inspiracija Spliski krnjeval 2007.

e...

cili prošli misec smo notavali o jubavi, stavljali ovod verse i litrate, a nismo se njanci dotakli jedne, kako kažu, za jubav puno važne stvari, e... koje, a? niki eto govore da jubav dođe i priko štumika, pa je tako rič o spizi, narafski. ne znan koliko ću u to virovat, ali nikako mi se pari da barenko ovod, u dalmaciji, to jema veze sa istinon, e... jerbo, ako će bit pošten i priznat, dalmatinac tipični će reć: je, jesan, ja san bonkulović, volin izist. ako reče drugovačije, čekan da mu nareste nos, e... narafski, najdraže mu je kad mu kuva mater. tek poza tega dođe na red cura, žena oli sestra. od jubavnice nikad ne traži da mu kuva. tot obično on kuva. čisti i pere. frega i šumprešaje. ma zapravo, tot će pineze i po restoranima arčit. čast iznimkama.

nikako mi nije kjaro kako onda dobiju kile kad jedu spizu ča nije materina. malo koji se o ženine spize nije nadeblja. narafski, svaka mater će reć da je bidan njen sin jerbo da je u braku smršavija. a punica? ča se punice tiče uvo mi je jedanput čulo kako jedan naručuje pismu za brzo ozdravljenje punici na radijo. to je bilo uza riči: "najdraža punice, brzo ozdravi jerbo ću, ako se za koji dan ne vrneš doma iz te bolnice, doć uza te na infuziju. gladan san!"

narafski, kad su lipi bokuni u pitanju, eto ti ih i u kužinu. tot će učinit pusti nered i ponašat će se ka zadnji šporkaćuni. mišljenja san da bi im to ulaženje u kužinu tribalo zakonon zabranit. je, već sad vidin kako niki pine uza ovo škatule o' kompjutera i govore ma je li se to i jopet nas  muških vata na ovi internet, a šta smo sad skrivili, a? e, dobro je, razumin vas, nije vam bidnima lako. zaradi tega ću fermat i gren reč ono ča mi je i bilo na pameti.

dakleM,

LEŠO RIBA + RIBLJA JUVA

za 4 peršone potribno je:

• oko po kila ribe, recimo salpe
• sol
• po manje kapule (za kontinentalce - luk)
• maslinovo uje
• petrsimul
• papar
• limun
• 1 srednji kumplir
• špica luka (za kontinentalce - češnjak)
• manja poma
• čikarica riži

čini se ovako:

to po kila ribe, recimo salpe (nećete juvu činit o' srdele oli barbuna, narafski), najprvo dobro očistit i još bolje oprat. najdrugo s ribon u teču i stivat tot vodu da pokrije ribu. dodat malo soli, po manje kapule i neka kuva dok ne uzavre. e sad pazi. kad vidiš da je riba lešana (poslin minut - dva) vadi je iz teče. šta sad š njon? zalit je sa mrvu ove vode ča se kuvala u njoj i malo maslinova uja. posut je bokunićima petrsimula. papar po želji. brez limuna na fetice nikako. :o) to ti je LEŠO RIBA.

juva nije još gotova. u ostatak vode ča je u teču dodat 1 srednji kumplir iskidan na šta tanje fetice, malo selena, malo petrsimula, špicu luka, manju pomu (more prava oli iz važa), 3-4 žlice maslinova uja. neka kuva 45 minuti na laganoj vatri. poza tega procidit juvu i izmečit u procidaljku svu tu verduru, neka šug/sok o' izgnječenoga gre u juvu zaradi gustoće.

jopet s tečon na špaher. kad uzavre dodaj čikaricu riži. narafski da riži triba najprvo očistit. neka s rižima kuva oko 25 do 30 minuti, kušaj narafski. to ti je RIBLJA JUVA.

vode se dodaje po potribi za vrime kuvanja.

zasad ovod, a čin uvatin vrimena gre i u Ricete by XVII . fala XVII. ;)

Maškare by XVII, 26.02.2007., olovka

crtež, priprema za jednu od slika ča slide...rađeno prima ovemu litratu sa spliskog krnjevala 2007:

litrat by XVII, za cili krnjeval klikni: ovod

svaki se rad more uvećat klikon na njega.

kad se učini slika, u ovih iljadu žarkih koluri, bit će to ka mali bog, a? tribalo bi, e...

ajmo ča dalje. sinoć otvorin armerun da izvučen ovi rad sa klaunovima za stavit na net i skener, kad naletin na još jedan rad, kojega se zaboravilo stivat na internet. a ajmo ča sad š njin na mrižu svih mriža kad već nismo prije, e... eto, dok ja učinin klaunove u kolurama, vi gledajte ovi rad o' lani. :o)

Isusovo rođenje, by XVII, tempera, 2006.

ovo sve ćemo stavit i u Galeriju o' XVII.

e, kad san već o' volje gren van pokazat i još jednu kreaciju o' sinoć.

cvitna balota by XVII, još cvića ovod

ka ča vidite nastavljamo su puno jubavi i u trećen misecu. sinoć je obećano još nešto ovod, znan, bit će, ne sekirajte se, dug je dan... :o)