pozdrav s banjanja!

giboNNi & vaNNa

ja ću budan sanjati...

Zavedi me osmijehom kao zlatnim strunama
i kad bez riječi budem ostao
to nazovi pobjedom
to nazovi kako znaš

Zavedi me riječima
i ja ću budan sanjati
i poslije tako dugo traženja
sad znam da to si ti

Budi samo moja
moja radost i moj smijeh
sad znam da ima Boga
čim za me došla si na svijet

Budi samo moja
moja nada, dobra vijest
sad znam da ima Boga
čim za me došla si na svijet

---

rad me danas satra. o' jutros pa sve do maloprije, e...

zaradi tega samo jedna lipa pisma.

hm, je li ovo o osmijehu rič, a? a gre pisma onda jednemu ča se lipo smije, smijucka i tako to... uživo i na litrate. ups, ne smin tako reć, slike, e... slike ;)

e, znan, zadnje dvi rige razumi samo ona peršona ča triba razumit, a šta ću van ja, ne naprežite višje možđane, navijte mužiku, e...

e... kažu da će ženama produžit granicu za poć u penžjun i da će žene tokat radit ka i muške. meni nije teško. neka tega, neka. a privatnin poduzetnicama bi tribalo produžit rad sve dok ne parte na oni svit. jerbo, neka lipo pune proračun i neka ih lipo ka danas mene o' jutra do navečer zovu/emajliraju/jopet zovu i neka tako bude svaki dan. narafski, neka to čini kvarat zemaljske balote, po rvacke i tutokompleto ovi ludi grad. i narafski, neka svi jemaju upite ovega tipa:

- mađarska državljanka oće stat u budimpeštu i radit baš u moju firmu ča je u split, pa joj sad objasni da u rvacku triba jemat bokun karte ča se zove domovnica za dobit posal i da stranci idu po posebnin propisima i da rvacka još nije u eu.

- jedan šjor ravnatelj jedne poznate kuće u ovi ludi grad ne razumi da se posal koji se oće naručit od moje tvrtke dogovara na službeni broj tvrtke, sa menon (jerbo san ja diretur) i da je tvrtka ta koja mu daje garanciju da će se posal odradit, izdaje račun, itd. čovik je bija uvjeren da to more dogovarat na privatni mobitel jedne zaposlenice i to početnice. ajuto mama mia, zemljo profundaj se, ko vas je stavija na sva ta bitna mista. zaradi njega me tokalo potrošit priko trideset kuna na mobitel. a početnici narafski po ne znan koji put reć ča more, a ča ne more početnik. i ča smi samo diretur.

itd.

jema i normalnih, pa jema i grintanja, jema svega...

- služba za korisnike rvackog t-coma je postala toliko susretljiva i toliko voljna pomoć da je to čudo jedno. mirakul pravi. šta zaradi jednoga telefona ča je ka tovar i neće da na našu mrižu prikaže broj, šta zaradi jedne reklame ča će ić kod njih , danas š njima na ti telefon a skoro cilo jutro. vole mi čut glas. narafski da je ovo susretljiva krajnje ozbiljno rečeno, a ne ironično. oni su se, naime, puno popravili, barenko prima mojin iskustvima. more bit da je to zaradi konkurencije.

- ajmo ča dalje, svit ča radi za tvrtku more i ne more, kako ko. niki su štufi mladih godina, a niki najboljih, niki su puni elana, a niki nimaju force, umorilo ih je puno i na druga mista. sve pročitaj, iščitaj, saslušaj.

jema tega još, neće sve stat ovod na ovi internet pa ću fermat.

da se mene pita, tribalo bi ovako: toj nižoj vrsti o' privatnih poduzetnica bi tribalo odma ukinit plaću. neka sve daju državi kad već znaju zaradit. šta će im plaća, u buštu im ne triba bit ništa, ne tribaju ni izist nešto, neka žive o' arije, a kad se bolje promislin specijalno njima triba nabit i porez na tu ariju. nego šta, neka budu sritne ča opće dišu jerbo tu nižu vrstu je tribalo bacit u more čin su došle na ovi svit. u likara nimaju šta poć, ko je vidija bit bolestan. narafski, zakonon in triba zabranit i spavat jerbo i kroza to vrime mogu štagod radit. ne triba im njanci dopustit promislit da bi mogle jemat fameju, dicu, poć na koji izlet, vazest bar jedan put u tri godine godišnji. ča će njima urlap, to nije za tu nižu vrstu, e...

sve ča im se smi dopustit je rad i neka po mogućnosti bude šta luđe, šta bizarnije, neka im to sve skupa ne bude dosadno, e... narafski, neka ih za te sve pineze ča daju u proračun toka i barenko jedan put godišnje poć u doba radnog vrimena i na puliciju, na odjel za organizirani kriminal jerbo sa svin pinezima ča daju u proračun dica nimaju šta jemat pravo na normalno obrazovanje, neka ih po skulama uče i likovi iz šporkarija malog marinka, e... sigurno se pitate ča je s tin, znan... a ništa, ča će bit, gospoja y još uvik "uči" dicu s tin "lipin i šesnin" timbron, jerbo dok rvacko pravosuđe počne štagod činit puno će još godin proć kroza švere, e...

gren ča. neću višje kukat, bit će vrimena do penžjuna, e... ako ga na kraju i ne ukinu, e... jemate pozdrav!

e...

u kratki san rukav već danima. često gren vanka i brez bičava. u more se već skočilo. inbotida je ove godine bila nepotribna stvar. peć se užagala svega nikoliko puti. kapot se nije njanci jedan put izvadija iz armeruna. samo mrvu deblja jaketa pari puti. ove smo godine prošli smo lišo, brez tri marčane bure.

reka bi sad neko: dobro je, šta oćeš? to ti je ka u kaliforniju. guštaj more i čini kuco.

e, ma priroda divlja, oli ne vidite, a? realno gledajući ne vonje ovo na dobro. kontra prirode se ne gre, a ovi šempjani, imberalni čovik upravo to skoro uvik čini. kad god stigne. i brez puno grižnje savisti.

priroda se na to buni, čini kontre. mora. život triba nać put. on ne smi stat. međutin, počele su se događat čudne a i nike grube stvari kroza te kontre.  svo cviće je procvitalo prije svoga stađuna. počele su divljat beštije, puno je zmija, zmije grizu dicu i jemamo tragedije. oli je to jedino? jema tega još, e...

čovik moj, ko zna šta će još bit, e... more bit da nikih vrsti i nestane. ka nekad velikih gmazova. narafski, nike bi mogle i nastat. život uvik pokušava ić naprid. jerbo, to mu je osnovni zadatak/cilj otkad je vika i svita.

sve ovo ča se događa je "nagrada" za sve šporkarije učinjene zemaljskoj baloti. a najveći meštar o' tih šporkarija je upravo čovik. bojin se da neće još dugo prolazit lišo. sve se vraća, sve se plaća.

e... kad je tvrtka 100% moja, onda tot 100% neće bit štetnih ugovora jerbo takvi luksuz sebi ne moren dopustit. kako ja trgujen? sve tajne prodaje ovod baš i ne moremo iznosit, ali evo ću van na jednon primjeru reć kako kupujen.

kupnja mobitela, mob kupljen nikidan SonyEricsson, Z310i

za ovo čudo teknike http://www.vip.hr kaže da vridi 1091 kn. ričima: iljadu i devedeset jednu kunu. međutin, oni nagrađuju vjernost pa su mi tako dali popust na tu moju osobinu. za stare vipove korisnike taj popust je 400 kuna. ričima: četristo kuna. dakleM, cijena toga čuda teknike koju je moja malenkost platila VIP-u je 1091-400=691 ričima: šesto devedeset i jednu kunu. kupnja na rate mi se u ovon slučaju isplatila jerbo je gotovinski popust svega 3% (kad je značajniji obavezno ga iskoristin). dakleM, 6 ratica za tu sumu. lipo. a još lipše je šta je na tu sumu pdv 124, 61 kunu. dakleM, to će se pribit sa izlaznin računima tj. računima o' moje zarade. mob. me zapravo doša 691-124,61= 566,39 kuna. e sad, to nije sve :O) 390 kuna VIP stavlja na račun korisnicima koji su ka ja tj. stari VIP me korisnici. ti pinezi će se duperat za ćakulat, ali pinezi su pinezi. koliko me onda zapravo doša ti mobitel, a? 566,39 - 390=176,39 kuna prihvatiljvo, kupljeno. :O) garancija 2 godine, servis u splitu, jema kameru, snima zvuk, gre na net, prima i šalje emajliranu poštu, a sms i mms su narafski uobičajeni. koju se koluru vazelo? crna, škorpionska, e... :O)

a kad me nazovete, zapivat će van oliver dragojević. ozbiljno, e...

onda? jesan li rastrošno žemsko, a? eto, tako vam se svitu moj triba sve kupovat, racionalno, pitat za servis, garanciju, popuste, dodate pogodnosti. prodavači često jemaju dobre ponude koje se mogu sasvin lipo iskoristit. kad uđete u butigu pitajte. i slušajte. možda štagod dobro i vazmete, e... :O)

MOJA LJUBAVI

Moja ljubavi
Što mi radiš ti,
Moja ljubavi
Ove večeri.

Ja ću pist´ sve do jutra
Ovu pjesmu, da je čuješ sutra
Moja ljubavi
Što mi radiš ti
Ove večeri.

Moja ljubavi
S kim si sada ti,
Moja ljubavi
Ove večeri.

Moja ljubavi, zlato moje
Ja mislim na te i da će biti bolje
Moja ljubavi
Što mi radiš ti
Ove večeri.

Moja ljubavi
Sjeti se i ti,
Moja ljubavi
Ove večeri.

Voljeli se, tako sretni bili
Voljeli se, a izgubili
Moja ljubavi
Što mi radiš ti
Ove večeri.

Ove jeseni...

Zoran Jelenković

baš je na tv... i baš paše...

Bez boli nema života u ljubavi. Bez ljubavi nema jakosti u boli. I nijedna se veličina ne računa, nikakvo bogatstvo ne vrijedi: jedino srce koje je ljubilo i trpjelo bogato je kao more i veliko kao svijet.

Nino Salvanechi

32. PRAZNIK CVIJEĆA

e... sve višje i višje odraslih peršona nan dolazi na poduke. odlučili usavršit znanje jezika zaradi posla, položit konačno preostale ispite i diplomirat, naučit štagod pametno radit na ovo škatule o' kompjutera i tako to...

primjećujen da su vrlo razumni i najrađe se odlučuju za rad u manjin grupama (2 do 5 peršoni), sa sebi poznatin ljudima (recimo sad dolaze dvi sestre blizanke na jezike, pa trojica radnih kolega za nika područja iz matematike itd.). tako korisno utroše vrime, dobiju na taj način popust, a sa poznatin peršonama se (valjda) ćute sigurnije...

jučer mi je mi je recimo bija pravi gušt održat jedan takav blok sat. jerbo, odrasli znaju šta oće, uče vridno, a dica su smišna i draga, ali obično (čast iznimkama) jemaju dosta linosti i triba ih potizat ka veli jože, e... da opće krenu. odrasli jemaju višje motiva. barenko tako sad stvari stoje.  narafski, draže bi mi bilo da su i dica ambicioznija. to ča nisu me rastužuje pomalo, dišpera. no, ovi odrasli su me u zadnje vrime baš ugodno iznenadili. i zaradi tega ću reč: neka ih!

(sad neko more reč ma šta sve ne pustiš judima da ti rade, a ti samo šefuj. je oću, kako da ne, ovo šefovanje mi dođje ka za žuntu, a neka meni moje struke, to mi je dobro za možđane, e... da mozak ne prisuši, e... i da se duša o' tuge ne osuši, e... svoju struku je uvik dobro radit ako se jema prilike).

učit se more narafski u Parametar d.o.o. , brez obzira na godine. :O)

e... vižitan je jutros. lipo smo ušli službeno, kupili karte na trošak firme. narafski, kako smo ušli službeno, onda je tribalo štagod i radit.

šta? a šta poslovni svit čini na sajmu vengo ovo ča slidi:

napravilo se brdo lipih litrati (to će bit do večeras ovod, jeman puno pa ih triba obradit, ali povirite jopet), pokupili raznog promidžbenog materijala, ostavili onima ča ih je to zanimalo naš materijal, trefili poznate ljude, upoznali nove ljude, itd.

ono ča je izloženo je za +5. sajam je vrlo velik (vidit ćete večeras litrate) i jema ga se šta obilazit. uz brode morete vidit i makinje te raznu opremu za morske vukove i vučice, svega jema, od majci i postoli do podvodnih puški i ronilačke opreme (to je recimo i izlaga jedan moj kumpanjo (bit će litrat ovod)).

jema i tonobili, motorini, penti, propeli, ma svega. za one ča još nisu vižitali, službeni site sajma je ovod:

www.croatiaboatshow.com

a karta dođe 50 kuna na radni dan, 60 na vikend. eto, to je ka to, a za vidit litrate se vrnit jopet, bit će... obećajen, jeman ih priko 100 :O)

evo i litrati oli slike:

XVII oli ja, narafski o' isprid nikih zviri ča su mi upale u joko. mojih slika još jema još, to ćete vidit kad budete priko linkova učinili đir po cilon sajmu.

ĐIR PO SAJMU (JAKO PUNO SLIKA):

http://www.flickr.com/photos/xvii_st3/sets/72157600075256822/

http://www.flickr.com/photos/xvii_st3/sets/72157600075256822/detail/

uvećajte klikon, a dobro je i ovo ča se vrti ka slide show:

http://www.flickr.com/photos/xvii_st3/sets/72157600075256822/show/

a ovi šjor, e, njega mi je posebno bilo drago danas trefit jerbo smo skupa odili u srednju skulu, zajedno činili uncutarije, sprdačine, idili profešure, ali i učili mučili se... nije nan niko ništa darova, e... to van je moj kumpanjo Pave Zaninović, on je finija ekonomski faks i danas drži ovu tvrtku ča joj je štand na litratima. ča se tot prodaje, a? ronilačka oprema. firma se zove Profunditas d.o.o.

ja, jednako godin poslin mature ka i Pave (generacija 1991. TŠC SPLIT) isto držin tvrtku, moja čini inđinjerstvo, poduke, prijevodi (najviše tehničke dokmentacije, ali učinili smo i sve drugo ča nas je svit molija) ča se zove Parametar d.o.o. to je to oli c'est ca, more bit da nismo još za vazest koju o' najjačih zviri sa litrati jerbo nismo šeici, ali smo u ovu bidnu zemlju ipak nešto stvorili. a tek nan je 34. narafski, nima ni ovi šjor ča organizira ovi sajam nautike prikovišje godin, ma ke, e... ;)

oliver dragojević, trag u beskraju

za jednu, meni dragu peršonu...

more, sunce, brodi, bananje (narafski da se i danas guštalo, ko je moga odolit, e...)...

svi litrati by XVII, klik za veće

croatia boat show, split, dalmacija, croatia, plaže, kašuni, kašjuni (ovo je za tražilice)

www.xvii-online.com

http://www.flickr.com/photos/xvii_st3

http://www.flickr.com/photos/xvii_st2

http://www.flickr.com/photos/xvii_st1

http://www.flickr.com/photos/xvii_st

http://xvii.pticica.com

itd... nika mista di jema mojih slika oli litrati splita... povirite ako dosad niste :O)

narafski, nije loše povirit i na misto di jema i litrati i slikarija/crtarija.

http://xvii.exto.org

e... jema mene još na netu na masu mista, ali za ovi put dosta :O)

e...

uajme.

subota.

nima dogovora oko posla za danas.

a dan je ludilo, ka za bogove.

sad ću najprvo otić do fine položit pineze ča su se zaradili jučer pozapodne, na poštu jednu leteru poslat, zavrtit se ka trotul brzinski priko grada i poza tega pomalo mislit di mi je šugaman, očale za sunce...

neću se puno sekirat ako još ne bude banji jerbo tek je četvrti misec, ali barenko ću započet s (ne znan kako to baš nazvat, ali eto) plažnim aktivnostima. želin vam lipi vikend svitu moj i gren ča jerbo mene more i sunce zovu... jemate pozdrav!

žunta: počeja je croatia boat show

by XVII, slikano jutros, svaki litrat posebno ovod:

http://flickr.com/photos/xvii_st3/sets/72157600075256822/

zasad ovoliko litrati, još će bit kad pođen unutra, a to ću učinit za koji dan kad  mrvu laška konfužjun tj. kad papani o' političara ( i slične vrsti) pođu ča... jerbo, gledaju mi se brodi, a ne njihove čunke, e...

pozapodnevna žunta: svitu moj, moje dugo teplo lito je počelo! dva puta u more po 15 minuti. jerbo, ovoj lipoti se nije moglo odolit. nije loše za početak. danas je 14.04.2007. koliko je prošlo o' moga zadnjega ulaska u more ča je bija 31.10.2006. izračunajte sami. ko ovo more platit?

More by XVII, slikano danas, na Merjanu

SIĆAŠ LI SE, LUNGO MARE

Sićaš li se di je lungo mare
Sićaš li se di su pisme stare
Sićaš li se di je bella fiume
Tu di si se zaljubila u me
Jedna ruža cvate samo za te
Druga vene usrid mene
Vilo moja kada pođeš spati
Ja ću našu pismu zakantati
Pismu koju na našemu moru
Dragi dragoj piva na prozoru
Sićaš li se di je zvizda mora
I Marija, kraljica vapora
Sićaš li se di je vrime stalo
One noći kad se ljubovalo

Ruža by XVII

jedna mala stvar koja mi je pričinila puno radosti.

procvita je điran na mome balkonu...

điran by xvii

riči (već su bile, znan, ali dobre su pa more i jopet):

Provaj!

Nemoj.
Nemoj molin Te.
Nemoj otić od mene.

Provaj!
Moja jedina.
Ja ne mogu bez Tebe.

Lipo.
Lipše.
Najlipše je za mene
ka' gledan Te...

Jer ja...
Letin...
Ka' san kraj Tebe.
Ka' Te gledan dok budi se dan.
Onda letit znan.
Nekin našin obalama sna
a da nikad nisan zna ni sam
da poletit znan...


Moran.
Moran izmislit...
Niku lipu - šesnu rič...
Da Te za se sačuvan
Ja Te molin.
Nemoj ić.

Jer...
Lipo za me jedino je kraj Tebe
ka gledan Te...

Jer...
Letin.
Ka' san kraj Tebe.
Ka' te gledan dok budi se dan.
Ka' san s Tobon sam.
Nekin našin obalama sna...
a da nikad nisan zna ni sam
da poletit znan...

Lvky i Oliver Dragojević

spot (nije još bija ovod, ali odlično nešto, pravi urbani đir, obavezno pogledat!):

bižin ča, za poslon. triba štagod učinit, napravit, pozapodne probat izlipit malo uz more, na obale sna... pisma je narafski za sve one ča vole dobru pismu, ali najprvo za jednu peršonu ča će se pripoznat kad rečen srića & nesrića. guštajte!

ps more bit da jednom navijemo ovod i rundeka, e, a zasad ovi pivač/i... ipak je ovo moj blog. ;)

Ti koja imaš ruke nevinije od mojih

Ti koja imaš ruke nevinije od mojih

i koja si mudra kao bezbrižnost.

Ti koja umiješ s njegova čela čitati

bolje od mene njegovu samoću,

i koja otklanjaš spore sjenke

kolebanja s njegova lica

kao što proljetni vjetar otklanja

sjene oblaka koje plove nad brijegom.

Ako tvoj zagrljaj hrabri srce

i tvoja bedra zaustavljaju bol,

ako je tvoje ime počinak

njegovim mislima, i tvoje grlo

hladovina njegovu ležaju,

i noć tvojega glasa voćnjak

još nedodirnut olujama.

Onda ostani pokraj njega

i budi pobožnija od sviju

koje su ga ljubile prije tebe.

Boj se jeka što se približuju

nedužnim posteljama ljubavi.

I blaga budi njegovu snu,

pod nevidljivom planinom

na rubu mora koje huči.

Šeći njegovim žalom. Neka te susreću

ožalošćene pliskavice.

Tumaraj njegovom šumom. Prijazni gušteri

neće ti učiniti zla.

I žedne zmije koje ja ukrotih

pred tobom biti će ponizne.

Neka ti pjevaju ptice koje ja ogrijah

u noćima oštrih mrazova.

Neka te miluje dječak kojega zaštitih

od uhoda na pustom drumu.

Neka ti miriše cvijeće koje ja zalivah

svojim suzama.

Ja ne dočekah naljepše doba

njegove muškosti. Njegovu plodnost

ne primih u svoja njedra

koja su pustošili pogledi

goniča stoke na sajmovima

i pohlepnih razbojnika.

Ja neću nikad voditi za ruku

njegovu djecu. I priče

koje za njih davno pripremih

možda ću ispričati plačući

malim ubogim medvjedima

ostavljenim u crnoj šumi.

Ti koja imaš ruke nevinije od mojih,

budi blaga njegovu snu

koji je ostao bezazlen.

Ali mi dopusti da vidim

njegovo lice dok na njega budu

silazile nepoznate godine.

I reci mi katkad nešto o njemu,

da ne moram pitati strance

koji mi se čude, i susjede

koji žale moju strpljivost.

Ti koja imaš ruke nevinije od mojih,

ostani kraj njegova uzglavlja

i budi blaga njegovu snu!

Vesna Parun

kaić na merjanu, by XVII, slikano danas

e... ovi litrat je o' danas, friški. promina koliko oćeš. samo promina stalna je. kaići su ka i ljudi, dođu i odu. promine se i pošte, ne moredu durat pedeset godin na isto misto, e... a jopet, meni se baš danas sve pari brez promina, ka da je vrime stalo, fermalo, zapteljalo se u švere. ka da se ništa nije prominilo. jerbo, još uvik volin ista mista, još uvik živin za ovi nesritni grad, još uvik volin izist istu spizu, još uvik mi znače isti ljudi (tj.: srića i nesrića, kumpanji, fameja, kolege, itd, s tin da krug kumpanji ipak pomalo, brez priše, širin), iste i trefin redovito, a isto tako iste ne trefin po nikoliko godin. još uvik stojin u isti kvart u koji san o' ditinjstva, još uvik u ovu balkansku pripizdinu (skužajte na izrazu, ali baš tako) probajen zaradit koji šold ka pošteni privatnik pa na kraju ispadan za smijat se. jerbo face su oni ča kredu; kredu državu, kredu radnike, kredu di god stignu i onda si cukun kad nisi o' te vrsti. još uvik virujen u jubav, dobro i poštenje i sa ton viron san i narafski jopet cukun. još uvik volin dalmatinske pisme, a danas je poželjno navit cajke. itd. kome kjaro, kjaro je... kome nije, nikad neće ni bit. more bit da bi neko moga i svitovat: a bi li tribalo odrišit cimu? oće li ti vapor ovako arivat u porat koji oćeš, a? oće. virujen još uvik u se i svoj timun. znan šta oću i di gren. nisan kako vitar puše i di te kurenat odnese. zaradi tega će bit sve dobro. eto tako, pa bilo kome krivo oli pravo, friga mi se... gren ča, jemate pozdrav!

- ši, na sve litrate oli slike san ja, svaka se more još malo povećat klikon

- ni jednu ne potpisujen, puno fala onoj peršoni ča mi ih je učinila

- dan je i danas za bogove pa ću vjerojatno i jopet bit negdi u prirodi oli uz more. u more tek za koji dan, bit ćete i o temu obavišteni :o)

ekola, gren ča, pozdravljan lipo!

Sritan Uskrs!

by XVII

svako jaje za se morete nać ovod: http://www.flickr.com/photos/xvii_st3/sets/72157600049769013/

uvećajte ih klikon. kažu da o' svih jaja ča jemaš, najlipše tribaš poklonit onemu ča ti je drag... i kako se sad o' svih ovih jaja odlučit za najlipše, a? ništa, poslat ću ja lipo svih 25 svin mojin dragin peršonama, barenko onima ča jemaju emajliranu škrabicu.  :O) (jerbo ja svit volin i u smislu kolega, kumpanji, svojte, a ne samo jubavi) pa neka svak odluči koje mu je najdraže, e... :O)

dobro se provedite, budite sa onima koje volite ako morete, guštajte u lipoti prirode i novega života ča se budi. sritni blagdani svitu moj!

samo za N., čitat na 06.04.2007. :o)

e...

kad ujutro dođeš na posal, uštekaš škatulu o' kompjutera i poviriš ča jema novega ovod, lipo ćeš nać evo ovu djetelinu:

ona ti je za sriću i ispunjenje želja...

sritan Ti bija ovi rođendan i još puno njih!

e... bravo, da se ne zaboravin, evo i još bokunić sličice...

ne smin reć litrata :o)

kornati

i znaš, tribali bi malo poć ovod i realno, a ne samo ovako, virtualno, e...

o' srca,

N.

narafski, kako je osobno, razumit će samo ona peršona ča triba razumit... ne sekirajte se... ne mora uvik sve bit kjaro :O)

e... evo bla bla bla baš dura ćakula između mene i jednega moga kumpanja...

dili mi jubavne savite. dajen ovod izvadak iz razgovora.

kumpanjo: Mi muški smo ti čudne biljke, uvik nas moraš imat na oku a da ne govorin kako volimo da nam podilaze i puno ne kontraju (u početku, poslin možete radit od nas šta vas volja - onda smo kuvani i pečeni).

....

XVII: a šta se tiče kontravanja, kako ti misliš da ne kontrajen, a? a kako ću onda bit žensko? :O)

e... ma vidi vrimena, a? a koji je lipi dan jučer bija, čista kontra, e... narafski da ću izlipit na frišku ariju kad jeman bokunić vrimena. najprvo san trefi jednega maloga ča ga je moja malenkost učila matematiku. javlja mi se sritan, govori da je sad dobro, da je ispravija ocjene i tako to. ka mali bog. ajmo ča dalje i eto ti a. a. znan odavno i često je trefin. uvik se lipo javi.

- šta je nado, di ćeš, bižiš ranije s posla, a? e je ti lipo bit privatnik. :O)

- ma ajde, dan prije me tokalo radit petnaest uri brez stat, dikad vrimena jeman, dikad niman.... sve ovisi o danu. a šta je, di ćeš ti? jesi dobro?

- ma evo nosin niku kartušinu za posal. aj vidit ćemo se... bog, bog...

i tako... poza tega ja i merjan. evo litrati, sve by XVII, klik za veće:

jubav

žuto & zeleno

merjan

crikvica betlema

cvit iz kamena

merjan

cvit iz kamena

cvit iz kamena

cvit iz kamena

merjan

cvit iz kamena

zvončac I.

zvončac II.

e... narafski da san a. trefi i jopet. na merjanu, narafski. jerbo, ko ovo more platit, a?

Tradicionalni međunarodni nautički sajam CROATIA BOAT SHOW održat će se u Splitu u razdoblju od 14.04.2007. do 22.04.2007.

e... jeste li se uvatili danas na koju baketinu, a? ja fala bogu nisan. :o) dapače, dan mi je bija baš dobar, ono, more se reć lip i normalan. standardna nedilja, pranje robe, sredit malo stvari, operi cakla i tako to. pozapodne smo otvorili ured jerbo je ivicu tokalo odradit nešto i to je ka to... navečer đir po gradu, jedna pizzeta o' škampi, još đir do labuda i acya, pa nazad i evo me, među živima san, brez se uvatit na baketinu. :O) a ča je to opće baketina, a? za one ča ne znaju, na baketinu se love tiči, ali ta rič se dupera i kad se oće reć da je neko nasamaren. onda se reče da se uvatija na baketinu.

vengo, sad se sve mislin oću li van nešto reć. mislin se jerbo ne znan oćete li mi virovat. more bit da se dogodi da će nekome past na pamet da je ovo sad neka uncutarija oli baketina. ma ke, svitu moj, ne, nima to veze s baketinon, jednostavno je tako ispalo, e... zapravo, oni ča je proba će mi virovat. o čemu je rič, a? a evo, pričan ja jučer priko ovo škatule s jednin kumpanjon o svemu i svačemu. životu, smislu, besmislu, jubavi, mržnji, običnin i neobičnin stvarima. čovik jema mota i zanimljive poruke notaje. za koji dan nas toka nešto u moj ured učinit apropo letrike. on će činit, a ja ću narafski nadgledat, grintat, pomoć gulit žicu, dodat koju kacavidu oli faz-lampu i tako to :o). jerbo, ko je vidija da se tu niko malo žensko pača tamo di joj nije misto, a? ;) onda ćemo ćakulat i uživo, a kako jema fala bogu teknike i letrike i moderno je vrime za ćakulu duperamo i ovo škatule. šta ne bi, a?  izrodija mi se kroza taj razgovor jedan zaključak koji doduše ne moren egzaktno dokazat, ali empirijski dokaz jeman i to iz vlastitog života, e... a kumpanjo mi je reka da jeman prav i da je to moguće. bit će i on jema koji empirijski dokaz, ko će znat, e... dakleM:

• fatalna privlačnost postoji, jema je i u našin životima, a ne samo u filmovima.
• peršone ča se fatalno privlače se moraju kad tad upoznat. (ovo oće reć da se more dogodit i da stoje nikoliko portuna razlike i da se po života opće ne znaju, ali ako je taj privlačna sila među njima toliko jaka, upoznat će se jednom, na aerodrom u jameriku, priko interneta, u feratu, itd. opće nije bitno di i kako, upoznavanje će se dogodit.).
• kad je u pitanju fatalna privlačnost, kemija je prejaka.
• kad je kemija prejaka, reakcije su burne, sve je puno strasti i osjećaja.
• jubav se ćuti u svih 16, ali svaka strana prejako ćuti i svaku rič o' druge strane, bilo lipu bilo grubu i to more bit poveći problem.
• zbog prejakih vibracija pari da di je fatalna privlačnost dvoje zapravo teško more skupa, ali još in je teže jedno brez drugoga, e...
• itd. jema tot još svega. mirenja, karanja, lipoga, gruboga...
• poanta je: unatoč svemu, ako te tako nešto ne strefi kroza život, čovik moj, breveze si bija na ovu zemaljsku balotu, e...

nije baketina o' aprililija, ma ke, živa istina je. :o)

ekola. gren ča. pozdravljan lipo! e, ši, pazite se, do ponoći još jema vrimena za baketine, e... :O)