e....

lip je dan, ajmo se ča vozit i danas. aaaaaa ne daje kontakt, nima struje. šmrc, šmrc...

tješe me mater i barba božo instruktor. bit će dobro, to su ti moderni tonobili, ma sredit će se... šta ćemo sad, a? ma ajmo ča na obid nima druge.   poza pečene teletine u babilona ćemo bolje mislit.

i bi tako. aj, zovi u renault gašperov, pomogne nam tanja kačunko, dade žena sve upute - fala joj. zovemo renault asisteniciju, oni jemaju dogovor s hakom i nisi reka keks eto barbe iz haka. svaka čast na brzini.

bit će baterija ispraznila, da niste ostavili svitla užgana, a? me ke, e, sve san dobro prikontrolirala - mislin da je nešto drugo, nije mi daljinsko zaključavanje radilo ni jučer, čin san se vratila iz omiša, jutros vidin da se crni plišani mačak, ča san ga ka prava vištica stavila u tonobil za sriću,  zaglavija na vrata o' portapaka, nekako mislin da je on štagod bidan kriv, ono, poremetija elektroniku, neću višje nikad tog plišanog vraga stavit zada u tonobil, samo naprid dok je na parkiralištu oli trotoaru, a dok vozin šjor će poč u škafetin, obećajen svečano, samo mi pomoziteeeeeee.... uto barba božo diže pokrivo o' motora, izleće živa maška, išla se grijat na motor, uajmeeeee, a da nije za sve kriv koji ča je živ, aaaaaaaa?

napuni čovik bateriju, vazme prometnu, popiše sve i idemo dalje. hakova iskazinica, je li triba, a? a ne, ovo van gre priko renaulta, jemamo š njima dogovor. fala lipa, doviđenja, živili, ajmo se ča vozit i popit jednu kofi poza obida. aj, nije bilo loše, sve bolje vozin, a ove monade o' jutros ću stavit pod uhodavanje oli dičje bolesti - muče svaku makinju na početku, pa i tonobil. fala bogu da smo bili pametni, pa nismo š njin otišli na autoput dok ga dobro ne razradimo po splitu.

narafski da smo i u babilona trefili maške, omastile su i te brke sa bokunić mesa, na teraci je baš lipo ist, ka da i nije 10. misec. na kašune puno svita, to san vidila iz tonobila, danas ipak neću u more, triba malo i doma stat... jeman i tot maške. štaš, uvik nešto skrive, a poslin ti se umile... a možda je samo u koluri stvar, ča ja znan, ako crni mačak još koji put ne bude dobar, poč će doma na regal, a u tonobil ćemo stavit kojega kolure druge, pa sriće bolje onda bude...