o robi:

pozapodne, kad mi je finija posal, banjan se u moru, a navečer jeman bokun džemperića jerbo je mrvu zafriškalo. danas su mi noge oćutile i postole nakon ne znan koliko miseci; mislin da o' 6. miseca nije postol iša na noge, e... jedanput patike po kiši i to je sve zatvoreno kroza ove misece. narafski, još uvik san brez bičava. gače => rebatinke, nove (ahoj, galebe moj, sad će neko reć vidi XVII šta se sad tot prdači oko tega, znan... ma ne prdačin se vengo se ponosin jerbo se uspilo nać nešto ča ne pari da je izvučeno iz kante o' škovaca, žmariveno i na buže, takvih su virovali oli ne pune butige. bolje meni izgledaju doma, u armerunu, sve stare gaće, pa čak i one u kojima se pituravalo oli činija niki drugi štrapac, vengo ovo ča jema za kupit. fala van lipa na temu, ma ja to ne bi ni da mi ko daruje, ali ko voli neka izvoli, narafski. ja san nakon nikoliko dana traženja (da, da virovali oli ne) u normalnin gačama. šta je najgore, obaša se cili grad, skoro da se išlo i u okolicu, malo je falilo, a na kraju se našlo u butigu ča je nikoliko metri o' moje kuće. eto ča ti je život. zaradi ovega ne volin poć u ti kako se moderno reče shopping. mislin da ću još dugoooo bit brez želje za kupovinon novih rebatinki. ozbiljno, e... toliko me sve skupa umelo i štufalo da evo i na internet notajen koliko je teško živit u ovemu modno osvištenome gradu di uvik nike buže po gačama propagiraju. nikako mi se pari da su te buže po gačama proporcionalne sa bužama u pameti i suvisloj misli, ne znan je li falivan oli ne, ali mislin da tako je.)

o spizi:

a ništa, nije ovo bija neki veliki izlazak, standardno, đir priko grada, đir priko rive, jedna pizzeta o' škampi i biž doma jerbo je mrvu zafriškalo, a i po gradu baš i nije bilo nešto svita. pizzeta je bila baš lipa, tako da je se moran spomenit ovod, e...

o ovin litratima:

original je narafski dan i izolirano. ostalo je dobiveno iz originala minjanjen rgb sustava u druge kombinacije sustava. to je cili trik, e... poza tega slozin panoramu i to je to. a ko me slika? e baš to ovod neću reć, oli nije dosta rečeno, nima bit previšje kurjož, e...