e...

jedan je istaknuti  sveučilišni profešur počeja kumpanjonstvo s općepoznatin poduzetnikon ča je narafski poduzetnik na rvacki način i koji doduše nima fakultet, ali onih životih vakulteta jema deset. ma šta deset, a? sto, e...

a zaradi čega ti savez, a? eee, oba su živila u nadi, profešur je virova da će mu poduzetnik kapnit koju kintu za fakultetsku opremu, a poduzetnik brez fakulteta je bija siguran da će ako se dobro ušteka, dobit diplomu i to ne bilo kakvu vengo počasnu. jerbo,  šta će mu sad po stare dane drugovačija, a?

ovo vam svitu moj pripovidan ka i sve na ovi blog, prima istiniton događaju. narafski, u temu gradu živi i jedna prava pravcata Nada. ona ne živi u nadi, vengo u realnosti.  najprvo je finila fakultet, a poza tega zaradi onih ča jemaju deset vakulteta a fakultet vidili nisu nije mogla nač posal, pa je pokrenila vlastito poduzeće. fala in. danas tako jema i fakultet i posal, a pomalo stižu i pinezi. ništa priko noći, polako, korak po korak, step by step. put napretka nije ni brz ni lak, tamo kamo se isplati poč ne vodi prečica.

ko tu onda najviše jema od opisanih, pitanje je sad? hehe... u kakvoj je poziciji  Nada? ja mislin u puno boljoj od ove dvojice gori opisanih.

da, da, puno lipoj poziciji, svoja je, ne triba joj poč u poduzetnika pitat pineze, a ni u profešura počasnu diplomu. a ko takvu poziciju more platit, a?

jo, lipo li je živit u ovi naš split, pogotovo sa spoznajon da jemaš puno, punooooooo, punoooooooooooooooo....

ekola, gren ča, pozdravljan lipo... veseli i zdravi bili!