e...

ovih dan gledan bokun moje privatne i poslovne konte priko internet bankarstva i odlučila san nike stvari minjat.  uvodin pojačani red, a red će dovest i uštede oli  šparanje. dakleM:

- najprvo, niko me neće nervirat, ko me nervira a čeka da ga plaćan, odnosno da priko mene štagod zaradi, poč će ča. meni je moje zdravlje najvažnije i niko mi ga višje neće ugrožavat. ko oče za mene radit oli mi bit dobavljač za neku uslugu oli proizvod triba bit pristojan. da, da, dobro ste pročitali, sve ča su nepristojni minjan, neke i nešto već jesan. moren birat, niko i ništa na ovom svitu nije nezamjenjivo kad je posal u pitanju, pa oču pristojne i kulturne ljude. ako je prodavačica na trafici prema meni neučtiva, višje joj ništa nećem tot doč kupit; isto vridi i za nabave, dobavljače, radnike, cili svit.

- ko bude štrapalo, ko ne poštuje rokove, ko traći moje vrime glupostima i monadama, ko mi nudi nešto nekvalitetno oli preskupo isto gre ča. nikakvo štrapanje višje ne toleriran. prvo štrapanje odma nosi crveni karton, dosta je bilo žutih.

 - ovih dana sve pomno gledan i tako će ostat do kraja moga života, između dva proizvoda/usluge iste kvalitete, prednost će dobit jeftiniji i onaj di su pristojni ljudi.

- neke stvari jednostavno višje opće neću vazimljat i to ne zato ča se za to nima, vengo zato ča mi višje nisu o' interesa. neke nove proizvode i usluge ću uvest.

- ča je sigurno, a? sigurno je da se na popisu novih troškova neće nač partijska članarina o' njanci jedne partije, a da ću samo još povisit kriterij u svezi i glede stručnosti i sposobnosti. doli podobnost, živila stručnost i sposobnost!

ekola, to su antirecesijske mjere by xvii , ovo mora dat učinak koji želin.