e...

ovako je izgleda vozački ispit u splitu:

http://www.xvii-online.com/p-svi-na-hrpu-oliti-daj-pineze-i-poza-minut-bizi-ca/152116.html

žali san se haku. jema svemu temu i višje o' misec dan. s olimpa mi je konačno ariva odgovor u kojen piše da je sve cviće osin mene narafski.

tako je sasvin normalno i kako su mi notali sve po zakonu ovo ča ću nabrojit:

1. toliko kandidata u istu uru - je sasvin normalno. pouzdano znan da poza uru vrimena na temu poligonu nije bilo pasa. nije se moglo raspodijelit na dvi ure, a? narafski, normalno je radit uru, naplatit pet. na karti notaju ka da je svak jema svoju uru, a sve strpaju u istu uru. meni je tako ispit bija u 7:30, a zapravo me se zapisalo da san u 8:15. zaradi čega san onda u 7:30 na poligonu? autoškola mi je rekla da dođen u 8:15, instruktor da dođen u 7:30. mogla san doč i pet godina ranije, bi li mi i onda ispitivač vazeja osobnu i počeja ispit? a apropo osobne  - jedva san je dobila nazad, pazite oko tega dobro kad idete na ispit.

2. dat čoviku traku koja nije icrtana do kraja i itnit ga ka škovacu na sam kraj tega poligona je isto sasvin normalno. to je super, najprvo nas je ispitivač mirko ružičanin tija odvest na niku ledinu, ali mu nije da moj tadašnji instruktor nebojša banović. poza tega smo dobili traku kojoj je falija kvarat i rečeno nam je da crtu zamislimo. to je sasvin normalno. stotine čunjeva u retrovizorima (pa se misli koji su tvoji) su najnormalnija stvar na svitu. znate, ovakav pristup i ovolika inventivnost su naprosto oduševili moju sasvin glupavu malenkost. moran priznat, ja se sa svojin tičjin magistarskin mozgon ovakvih stvari nikad ne bi sitila.

3. urlanje raznih ispitivača: sad ćemo ih pola škartat pa će bit mista! - me još više oduševilo. u dubokoj tuzi konstatiran da san napravi životnu grešku ča san otišla u inđinjere, a ne u šofere. za napravit prognozu mi ka inđinjeru tribaju formule, mirenja, tablice, grafikoni, trendovi i sl. da san šofer to bi sve išlo odokativno, puno lakše.

pola škartanih, pa ča jema veze oče li svi proč kroza čunje oli ne, pola je uvik pola, a ne svi, je li tako, an, je li tako, života ti, an?

4. poza ispita mi je ispitivač mirko ružičanin šapnija i to tako tiho da ga moj tadašnji instruktor nebojša banović opće nije čuja (jerbo da je čuja, on bi sigurno reagira i reka bi mu da me on učija): "jes ti mala išta učila, aaaaaaaaaannnnnnn?" - ovo je isto normalno, pa šta bi tot neko žensko tilo položit vozački, neka stoji doma, ne radi i ne vozi, rodit 15 dice i sve di more poč su partijski sastanci, e...

narafski, hakovci su mi obećali da će idući put sve bit lipo i šesno, pa tako jedva čekan vozački ispit i jopet. narafski,  još više čekan da se monada zvana autoškola+vozački ispit fini.

više nisan u autoškoli golf vengo san sad u autoškoli sušić.

komedija se nastavlja... sve dok ne položin, narafski.