e...

svima onima ča su mislili da je kraj apropo teme biseri i dragulji, moran odma reč da su grdno falili, e... ma di će tot bit kraj, a? pa tek smo počeli, e...

evo još jedna biserno-draguljna štorija iz portuna. nadožuntat ću je i jednon iz portuna do da ne bude đeložine, e...

najprvo iz portuna:

jemamo jednu belecu ča voli napunit plastičnu bocu vodon i onda umisto da njon razladi ludu glavu, ona itne tu bocu priko terace. moja je sestra jednom kad se ka dite igrala u dvoru skoro poginila o' te bombe, a susida sa nižega poda je jemala oko 2 iljade kuna štete pred par godin na limu o' tonobila.

no comment.

sad gre portun do:

ne zaostaju ni ovi s biserima i draguljima. tot je jedna ča joj je bilo puno teško učinit skale kad triba bacit škovace. itne škovace s balkona, lete one priko arije, pa ako pogode kantu, dobro pogode. ako ne, bit će trica drugi put.

fala ti bože da su škovace primistili u kontejnere o' ispod volta i kod samoposluge, sad je bar ova košarka fermala, e... ča se tiče bombi, one još duraju pa zaradi tega tot triba prolazit s posebnin mirama opreza, e...

notat ću ovod i činjenicu da živin u jednemu o' najelitnijih kvartova u splitu, e... pitan se šta bi bilo da san u koji manje elitni, kakve bi mi onda biserno-draguljne štorije izlazile iz ove škatule, a? ;)

ekola. gren ča. jemate pozdrav!