e... jutros smo malo bili trošit pineze moje firme oli da buden preciznija bili smo u radni posjet sajmu croatia boat show 2009. 

šta se radi na sajmu, a?

e... triba se javit onima ča ih već znate, a triba upoznat i one ča ih još ne znate. triba vidit lipe brode i brodske makinje, bokunić bacit joko na njih, sinjat ča jema novega. triba onima ča ih upoznate dat vizitku jerbo ona tome i služi, nije da se drži u škafetinu, ma ke, e...

triba učinit slike za www.xvii-online.com . triba bokun i guštat.

jesmo li sve to učinili, a? narafski da jesmo, uvatili smo vrime brez oblaka i bilo nam je jako dobro.

evo niki litrati oli slike. guštajte! za one ča žele poč ćemo još reč da je karta 50 kunića za radni dan, a 60 za vikend te da sajam još dura (do 05.04.) i da je na splisku rivu...  

Sunseeker

Nada i Croatia Boat Show 

konjske snagice 

Nada i Croatia Boat Show 

Split i Croatia Boat Show 

Split i Croatia Boat Show 

kolege inđinjeri iz Rijeke, novo poznanstvo , ugodno je bilo proćakulat, www.oreco.hr

još čuda teknike, volvo penta, more se nač kod www.navaboats.com, Nautika Centar Nava nam je staro poznanstvo, za njih smo odavno radili

e, sad, ča ženskica ka ja  čini među brodskin makinjama, propelama i sličnin čudima, a? e a, inđinjer san, to mi je dil posla u Parametar doo, pa mi je itekako zanimljivo bilo bokunić zabost nosić među makinje, propele i svu tu latu, gvožđariju i sve slično ča se tot more nač. eto, sad sve znate, e... 

Nautika centar Nava jema i ove duple brodiće, zovu se katamarani, jemaju dva trupa, na njima komodno more litovat i dvi fameje... 

Split i Croatia Boat Show 

hehe, ovo je toliko jeftino da priporučan odma poč kupit , dobit ćete lipu barku za malo pinezi :) 

drveni brodić uvik volin vidit   

ove bandirice stvarno šesno vijore, baš su mi se svidile... 

ako ste kupili štagod i zatriba vam je i još i autić, evo dobre prilike... 

viđene su i kućice putujuće, cijena oko 40 000. kunića, a? ma ke? eurića, e... 

e... mislin da bi mo ovako nešto sasvin dobro moglo doč za vrime kad buden u penžjunu i kad ću najvjerojatnije po cilu šetimanu bit na mom Otoku, Murteru. stavit ovakvu kućicu u kakvu pustu valu, ćutit samo more, nebo, maslinu i tišinu. dodat još bokun barke i ako je dobro zdravje, ča ti višje triba pod stare dane, a?

a dok smo još mladi, dok jema force, sigurno se čovik ne bi bunija na ovako nešto: 

i ovako nešto:

ovo je po meni bija najlipši brod na cilom sajmu, fantastičan modri krstaš. dajen mu još čak tri litrata, ali stvarna lipota mu se more oćutit samo ako ga vidite uživo, pa ga lipo pođite i vidit...

jeman li još slika, a? jeman, evo ovod:

http://www.flickr.com/photos/xvii_st3/sets/72157616035817823/

sve morete uvećat klikom oli sajam pogledajte ka slideshow priko ovog linka:

http://www.flickr.com/photos/xvii_st3/sets/72157616035817823/show/

poza sajma smo otišli izist pizzu u bakre i narafski moren zadovoljno reč: bija je ovo jedan skroz dobar dan... kako me toka radit za danas, gren pomalo ča, posal zove, a kad malo još zatepli doč će na red i More.