e...

evo, stiga nan je i drugi misec, misec:

- ča jema manje dan vengo ostali miseci

- ča jema žensko ime

- ča jema veze sa maškama

- ča jema veze sa jubavi

kažu da je privrtljiv, lažljiv, svakakav. na račun tega miseca su svašta sasuli, puno grubih riči nadrobili. ma zamisli. a zaradi čega? to mi zapravo nikad nije bilo kjaro. zato ča jema žensko ime, a? zato ča vrime zna minjat? zato ča jema manje dan?

hm?

ne znan koliko bi se moglo u sve to virovat. jerbo, ča se mene tiče, ako misec jema manje dan, lakše je izdurat do prvoga sa rvackin takujinon. to ča  mu je ime žensko mi je drago, neka jedan misec jema i žensko ime, e...  ča se maški tiče, njih ka ča znate volin i uvik se pitan kakav je to svit kojen smetaju pasi, maške i druge smišne beštijice, dica, cviće...  a šta se jubavi tiče, kakav bi triba bit čovik da mu jubav smeta, a? (niki puno bidan i zločest, od takvoga/takve svakako triba brzo uteč. narafski, jedno je jubav, a drugo je komercijalizacija ča se javi za valentinovo).

eto, ja jeman argumente zaradi kojih virujen da je drugi misec zapravo dobar misec i gren ča guštat u njegovin danima. guštajte i vi!