e... uvik san negdi kraj mora, nima većeg gušta vengo bit tot kad me posal pusti na miru, e... još koji dan pa ćemo se i bučnit, sunčat, guštat.  izvadila san litnju robu i postole, a dura i program kalavanja kila (znan da ste kurjoži, gre me sasvin dobro, fala ča se interesirate, još koji dan i plan će bit ispunjen, a ionako ih nije bilo 30 prikovišje vengo samo 3. e, dobro 3, 5 hehe). šta još činin ovih dana? Radin (neće niko za mene, a ja narafski tako nešto ne bi ni tila), čitan, mislin kako ću štagod nacrtat, slušan dobru mužiku, pripreman kondut za pituravanje, radila je špatula, po plafona je čisto, još druga polovica i poza tega karta-devera u ruke, a na kraju skale, valjak, jupol i pinel i bit će kondut jopet bil. pituri? me ke, sama ću ja to sredit, oli mi je prvi put, tako bude najbrže gotovo, najmanje se potroši, najmanje se šporka, a bog nam je i da ruke da s njima štagod radimo. sad ćete mi reč da postajen ka drug lenjin sa ovin u radu je spas. nisan nika obožavateljica lenjina, ali narafski da je to istina, u radu je spas i oni ča radi uvik svega i jema, a oni ča poza cile dane samo leži i grinta te gleda škivat rad uvik je u mižeriji, najveća mu je u ćiverci, e... ti ča bi živili na tuđe špale i ne bi radili su mi najdraži, je, je, kako meni tako i drugima, brez njih se naprosto ne more, e... dakleM, mene ovih dan toka dovest u red kondut, a vjerojatno i kužinu. ako ćete doč dat ruku, morete, e... oni ča je linguz neka me zaobiđe jerbo kad nisan na poslu u mojoj firmi, radit ću pituravanje, a slobodno vrime su na redu gušti: trčanje, hodanje, čitanje, crtanje, slušanje mužike, ako bude dobro vrime, plivanje itd. uvik znan ča ću sa sebon i nikad mi nije dosadno. niman vrimena za one ča im je dosadno, ča nikad ne znaju ča će sa sebon i ča gledaju škivat svaki rad. neradnici iššššššššššššš, sve  neradnike tiran  o' sebe, e...

ekola, ovo je bilo još malo antirecesijskih mjera by xvii u praksi... 

evo i dva litrata o' jučer. idila by XVII