e...

večeras san jopet vozi tonobil do omiša. deseti, jubilarni put. po gradu isto vježban. moren reč da na magistrali višje nima prevelikog konfužjuna. finili urlapi, sve je manje furešti. koliko nam onda ti turizam dura, a? a pari oko misec i po dan, ono o' 1.7. do uvrj glave 15.8. ne triba jemat doktorat za zaključit da je to malo i mižerjasto, e... zemlja koja se oče turistička, a to joj je turizam?! hm? e a da je pameti, mogli bi samo o' kornati i plitvica bit svi bogati, e... da je pameti, unovčila bi se i ravna slavonija i lika i svi škoji. narafski, da je pameti, sve bi se to lipo i šesno učinilo na način da se sačuva i povijest i prirodne lipote, a da se zaradi. kako je puno višje gluposti, vengo pameti, a obično gledan ne plakat zaradi tega šta je neko makan, vengo gledan vidit šta iz tega moren dobro izvuč, meni će sad počet jedan o' lipših dilova godine. kako, a? eee... furešti će poč doma, a dica će poč u skulu. konfužjuna neće bit. more je još teplo. guštat ću samo tako. plivat ću. izležavat ću se na plaži. jemat ću valu (ma šta jednu, mnoge, e) praktički za se. bit će mi bolje vengo šeiku. za to ću narafski isprsit nula kunića jerbo živin u najlipšen gradu na svitu, a ionako moran nešto izist, popit i obuč. đeložima ću vadit mast  lipin litratima koje ću učinit, a kurjožima ću pokazat kako je ovod puno lipo. kad u metropoli užgu peč, ja ću još uvik bit u moru.  niko me neće štrapat, gledat sist na moj šugaman, gađat balunon i salbunon, činit monade kraj mene oli vizavi mene jerbo je većina već partila doma. neka, neka. a lito, bablje lito će sad lipo pomalo stič. arivat, e... i ako bog da, durat tamo negdi do kraja desetoga, e.... jo, ča ću guštat. uajmeeeee...