Mućo by XVII, slikano ovo lito

e...

oni ča me znaju ili oni ča su redovito ovod, na ovi blog, znaju da jeman maške. ovo je mućo. ženska maška, mater o' legla i sestra o' ćiće. o mojin maškama jema ovod:

http://web.vip.hr/nmagazin.vip/mace.html

znate li koliko vridi mućo, a? ne znate? evo sad ću van reć. mućo je nešto bolesna. nosin je ja danas u veterinara i puten trefin jednega čovika sa kojin uvik rado popričan. š njin je jedan njegov  kumpanjo. gleda on muću, gleda mućo iz škatule (to je ona škatula ča se vazme u butigu o' beštiji, za pineze narafski. u nju se maška oli mali pas nosi kod veterinara, a dobro more doć i za vapor, feratu i sl. e, bravo, more i veća beštija u veću škatulu, samo veća škatula i višje pinezi piza, e) njega. svidi se mućo temu čoviku, jubav na prvi pogled, e... i oće je on kupit, nudi mi pineze za nju. nima niko pinezi  kojima bi moga vazest muću - kažen ja. stvarno? - ne viruje mi čovik. aj reci, koliko, ma koliko god rečeš dat ću ti. jok, nima, njente i gotovo. mućo vridi višje vengo svi pinezi ove zemaljske balote. nije ovi prvi put da su tili kupit muću, jeman ja ovako uvik sa mućon da je oće kupit, e... eto, lipi moji, koliko vridi mućo. sve pineze ča su na ovoj zemaljskoj baloti morete duperat za tariguz jerbo svi skupa nisu dovoljni za vazest muću. mućo je jubav, a to nima cine, e...

isto tako moran ovod obavijestit sve redon da isto vridi i za ostale moje maške.

dva dobra citata o pinezima:

Oni koji govore da pomoću novca mogu sve postići u stanju su za novac sve učiniti.

Franklin

Kad netko tvrdi da novcem može sve postići, budite uvjereni da taj nikada nije imao novac.

Onasis