e...

stalno moran štagod prosut da izađen s judima na kraj. evo štagod o' ove šetimane, bolje rečeno o' jučer:

• da bi dicu ča dolaze na poduke potakla da uče štagod, pripala san ih da će bit političari ako se odma ne uvate libra. to, e... jerbo tot moredu nesuvislo blebletat, ne tribaju ništa znat i moredu jemat pineze brez rada. narafski, to im se nikako nije svidilo, dapače, rekli su: "neeeeeeee, nećemo bit političari, neće se nama svi smijat.... "
• da jednu, inače  vrlo uglednu, kartičarsku kuću koja je dosad plaćala brez problema potaknen da nam naprave uplatu za koju je došlo vrime, tribala sam im reč: "ama koji se sad vrag kod vas događa, a? prije ste uredno plaćali, je li žalosno da se sad i s vama triban ganjat ka da ste iz nekakve firme tipa mate &  jure komerc, a?" upalilo je, pustili su pineze poza tega a radilo se virovali oli ne o 244 kunice.  

kriza? recesija? je, je, u ćiveracama i nigdi višje; o' takve svako zlo. ekola, prikidan priču, gren navit mužiku, š njon je lakše izdurat sve monade. ugodan vam vikend!