e... tako je lipo... samo je imberlana peršona mogla ostat doma brez potribe. pun merjan svita, pun zvončac svita, ma divota jedna. jutros je bilo i bokunić maglice, ali već ja vozin kroza maglu ka velika, ne sekiran se prikovišje zaradi tega, e... tako san najprvo bila na merjanu, kroza šumu, malo do bena, pa idemo ča hodat šumom, za to nam je bog i da noge, e... . poza tega san jopet sila u tonobil i pravac zvončac s namjerom vižitavanja dva mista: zvončac + acy. a poza tega? eee poza tega pravac ajdukov stadion. očete li virovat da dosad nisan bila sama u tonobilu, a? dobro, jesan na poligonu dok san odila u autoškolu, okrenen se i na parkiralištu sama, ali na cesti je dosad uvik neko bija sa menon. nikidan san vozila i split-šibenik, otišli smo čak i na murter, vratili se i nazad, bilo se i u makarsku i nazad, a još nisan vozila solo. ajmo ča i to isprobat, čisto zaradi osjećaja. vozačka mi je još uvik baby, ma virujen u sebe, već san učinila kilometri i kilometri i yeeesssssss, danas dva đira oko ajdukovog stadiona solo. super.  učinit ću tako još jedan put, a onda slidi oni zadnji korak - sama u promet. najprvo ću poč u ure kad nima konfužjuna, a kad to uspijen poč ću bilo kad... eto, vozačka mi ne stoji u škafetinu, km su odavno prešli 1000 (iljadu), vozin po splitu, vozin vanka splita, vozin vozače, vozin nevozače, s tonobilon san super zadovoljna - sve pohvale renaultu. danas san otišla i bokunić sama, bit će tega i još, sve u svemu, za vozača ča vozački jema o' 29.08.2008. nije loše... zadovoljna san po tom pitanju.

aaaa evo i jedan litrat magle, baš mi je lipo i on ispa... guštajte, ugodna vam bila nedilja...