e...

dobro jutro. narafski ako ste noćas opće uspili štagod zaspat poza onega horor filma ča se zove dnevnik.

hrvatska je postala zemlja u kojoj prije vengo uštekaš tv moš reč:

gren vidit koga su danas ubili.

višje postaje deprimirajuće, beznadno, a svaki dan se pitaš ko je idući. u vlastitoj domovini se sve višje ćutin ka furešt, ovo ča se događa nije ni moj svit ni moj svjetonazor.

vrimena su sve grublja i grublja, nisu po miri čovika.

prije izbora govorili su da nam je hdz vratija optimizam. a šta bi bilo da su nas bacili u depresiju, a? koliko bi onda banaka i pošta bilo opljačkano s bičvom na glavi, koliko bi onda bilo propucanih judi usrid bila dana, koliko tonobila dignutih u ariju, koliko bi onda bilo falših profešura, sudaca, inđinjera, likara itd. ?

u nadi da danas neće ubit nikoga pozdravljan vas lipo.

iĐemo dalje optimistično i presretno u novi dan u sasvim sigurnoj zemlji, zemlji visokog standarda, kulture i tolerancije. pravnoj i nadasve demokratskoj hrvatskoj... zemlji koja će jako brzo u EU.

jerbo, ko bi bija lud da propusti bit u njenom društvu kad je tako solidno uređena, a?