negdi san kraj mora i od 14.04.2010. na novoj domeni: www.xvii-online.org

stare tekstove potražite na: http://xviisufit.mojblog.hr

elektrotehnički inženjering i konzalting
poduke - instrukcije - repeticije
prijevodi (prevođenje, prevoditelji),
lektura (lektori, lektoriranje) i prijepis
Parametar doo
Instrukcije Split - Parametar doo
Poduke Split - Parametar doo
Repeticije Split - Parametar doo
Prevoditelji i lektori - Parametar doo Split
Prijevodi i lektura - Parametar doo Split

sri - 14.02.2007
u misecu jubavi - da me pojubiš

DA ME POJUBIŠ
(Goran Karan-Goran Karan/Branko Ružić-Nenad Šiškov)

 
Evo se vuku kasne litnje ure
Ja mira niman krv tilon vrije
Ka vitar kliznija bi ti kroz škure
Da te probudin ka niko prije

I da ti rečen koliko te jubin
Svi pusti libri bili bi malo
A da se stisneš tu uz moje grudi
Bez jedne riči sve bi se znalo

Najlipja među svim lipima
Usne mi svoje daj

Da me pojubiš, da te pojubin
Pitali bi pošto svit
Da me pojubiš, da te pojubin
Pivali bi anđeli

Da me pojubiš, da te pojubin
Nima tega ča ti ne bi da
Misec i zvizde ča nebon klize
Sve bi ti skinija
Od sriće cilo srce bi bilo
Kad bi me jubila

Jo da je malo pod tvoje lancune
Posteja tepla tajne ti skriva
Duše i tila najlipje bokune
Ti imaš ono ča meni triba
Najlipša među svim lipima
Usne mi tvoje daj

Da me pojubiš, da te pojubin
Pitali bi pošto svit
Da me pojubiš, da te pojubin
Pivali bi anđeli
Ma nima tega ča ti ne bi ti da
Misec i zvizde ča nebon klize
Sve bi ti skinija
Od sriće cilo srce bi bilo
Kad bi me jubila
e... ni se nekad feštalo to valentinovo, tako da van pravo rečen ne znan šta notat kakve su užance za ti dan. moji pokojni baka i dida su recimo bili primjer tega staroga splita, od njih znan i stari splitski govor ča gre na ovi blog, i kad se njih sitin, moren reć, ma bilo je tot svega svitu moj, jubavi, dikad i grubih riči (mora bit da su i one sastavni dil jubavi u dalmaciju), poza takvih karanja je bilo i držanja nosa, visoko u ariju, šta moš višje, pa mirenja, pa jopet karanja i tako. u svakon slučaju, kad se judi vole svaki dan bi tribalo bit valentinovo.
 
strašno me idi ova komercijalizacija tega dana. jerbo, malo san traži na ovi internet, mrvu po librima i fojima i tako to i ono ča je nađeno mi govori da jeman prav. baš je onako ka ča mi je prvo palo na pamet. šta triba činit za valentinovo, a? tribaš nekako, nikon porukon oli kartolinon (danas su moderna vrimena pa valjda more i sms-on, mailon i sl.), a more bit da bi bilo najbolje kakvin moton, migon (jerbo, joči u joči ništa ne more zaminit), dodiron oli na bilo koji drugi način reć onemu/onoj ča ti je drag/a da ti je drag/a. pinezi tot opće nisu bitni. jerbo, kad jema jubavi izdurat će se i dobra i loša vrimena. ovo oće reć da ove šinjorine ča ih vidin da ovih dan po gradu mataju momke sa kojima su da š njima gledaju izloge i nagovaraju ih da in vazmu skupe kolonje i parfume o' iljadu kuna i višje more bit sram. jerbo, ni to jubav, a jok, e... ča je jubav? kontra. čista kontra o' onega ča moš vidit o' isprid butiga, e...
 
zaradi tega, zapivajmo sa ovin pivačon ča ga stivajen tot, pošaljimo koju lipu poruku, volimo svit, život, sebe, ljude oko sebe, dicu, beštijice, cviće, lipotu. jerbo, triba dobro iskoristit ovi život ča nan je dan na ovu zemaljsku balotu. jubav je jedna o' ritkih "stvari" ča je moš ponit sa sebon kad partiš, e... u borše i valiže ti onda neće bit mista ni za kolonje ni za kadene, bračolete, rećine. tot će moć stat jubav, dobrota, sićanja i uspomene, znanje i tako to... eto, to ti je to, čovik moj, kome je kjaro kjaro je, kome nije, nikad ni neće bit. ekola, gren pomalo ča, gren notat jedan e-mail... :o)
jemate pozdrav!
notano na dan i uru 14. veljača 2007 8:43:00 o' XVII
0 komentara link na post
0 komentara
link na ovi post:
<$BlogBacklinkControl$> <$BlogBacklinkTitle$> <$BlogBacklinkDeleteIcon$>
<$BlogBacklinkSnippet$>
posted by <$BlogBacklinkAuthor$> @ <$BlogBacklinkDateTime$>
<$BlogItemBacklinkCreate$>
<< Home