e... di su ona dobra stara vrimena kad se odilo u kino, a? jo, koje bi to pripreme bile za poć u kino. najprvo bi se tribalo dogovorit i to po mogućnosti s nekin ko ti je drag, e... ako je korteđavanje tek počinjalo, već sam dogovor je bija velika stvar. 

za popularne filmove bi bila i prava lutrija za doć do karte. znalo se i po nikoliko uri čekat u filu za vazest kartu. a znalo se i kojen šverceru dat puno višje vengo ča karta vridi samo da se ti dan gre vidit film ča ga se zacrtalo vidit.

kino je bilo dil jubavi ka i jubavna pisma (ovo morete pročitat i ka rič pisma pa da van znači pjesmu, a morete i ka rič pisma pa da van znači letere oli pismovne pošljike (ali jopet ne paket vengo pisma :o)), kako god oćete, e. ;))

a di su tek jubavni filmovi, a? jo, kad se svih tih štorija sitin, pa čak i ovih ča duraju 4 ure, odma mi suza na joko ariva. more bit da san previše romantična peršona, more bit da naivno virujen u jubav i dobro, more bit i da san i prikovišje ditinjasta peršona (za ovo me se čak i žestoko iskritiziralo, e), ma neka san, mislin da je to puno bolje vengo bit grez, zal, proračunat, lupeški i materijalistički nastrojen, e... eto, pa neka misli ko god šta oće, friga mi se. ja ću i jopet, kad god mi se ukaže prilika, (i to po ne znan koji put), pogledat filmove ča se zovu:

1. Casablanca 2. Titanic 3. Gone With The Wind (Prohujalo s vihorom) 4. Notting Hill (U jubav virujen) 5. Out of Africa (Moja Afrika)

a ako slučajno jema neko ča to još nije gleda neka brzo trče posudit dvd, e... da jemamo barenko nike koristi o' prevelike teknike ča je uništila dobri dil romantike.

svaki plakat morete uvećat klikon na njega... ekola, gren ča, jemate pozdrav!