e... jema i jubavi ča ti čine dišpet, ča te dikod mrze i kad ih najvišje voliš. grubo. znan. tako je, ali sve je to za čovika. jema nikoliko jubavi za koje ne ćutin baš da mi vraćaju, ali kad je infišacija prejaka, šta ćemo... boli, puno boli, ali ja ću ih i dalje volit, za njih pisat, crtat, radit, živit, disat. nije lako, ali triba i to izdurat.

kako smo rekli da u ovon misecu stavljamo ovod malo i tuđih radova, a na www.youtube.com se more nać ludilo stvari ča je svit stiva tot, sad ćemo još malo š tin. za ovi post dvi puno lipe. evo kome to gre:

najprvo, jedna pisma za Domovinu. dikad rečen da jeman Domovinu, a niman državu, iako mi je u portafoju osobna, na zidu ureda šahovnica, pasoš  uredno izdan o' pulicije, a (premasne) poreze redovito plaćan... virujen da me mnogi razume...

- Hrvatskoj piva jedan grdelin iz bibinja kod zadra, tomislav bralić, pogledajte, poslušajte, puno lipa pisma, isto snimljena na spliski poljud

najdrugo, gre Splitu. razlog/e zaradi kojeg/ih ćemo i split stivat u jubavi ča neuzvraćaju jubav ne triba opće ovod navodit. šta oću reć kjaro je svakome ko je proba u splitu živit, radit i stvorit bilo kakav pozitivan sadržaj, bija on iz sporta, znanosti, umjetnosti, kulture... uvik govorin, e da nas, svoju dicu, grade oćeš volit barenko jedan promil od onega ča mi volimo tebe, niko nam na ovi zemaljsku balotu ne bi bija ravan, e...

- Splitu, za split bala KUD- Jedinstvo, pogledajte zaradi dva razloga, prvi je stari spliski plesovi, a drugi stara spliska nošnja.

e pa sad, kome krivo, a kome pravo, ma niko nan ne more zabranit da volimo, e... ekola, gren ča, jemate pozdrav!