e... brrrrrr, toliko je zima ovod u nas u split da su se i polarni medvidi našli u guštu. danas me je pustilo štagod slikat u joker centar pa tako i jeman ovi film ča ga zoven FAMEJA.

inače, na ovu ziminu narafski ne triba vanka brez kape i šjalpe, a ja vam svitu moj s tin rekvizitima izgledan ovako.

 kako su poželjne i čizme, danas san kupi jedne. ako ovako nastavi, izvadit ću i kapot iz armeruna, a njega vadin samo kad gren u teatar oli na sprovod.

da van pravo rečen, je, priroda mora učinit svoje, zima mora bit, sve to razumin, ali jedva čekan kad će ovo finit i kad ću u more. jerbo, nisan odavno, e... a more mi je puno draže o zime, sniga i smrzline. a šta ćete, rodila mater dalmatinku, e...

ekola, gren ča, čeka me obid. jemate pozdrav!

e, bravo, je, dobro ste sinjali, ovi blog je malo bija u šalturice i obuka je novu veštu, e...