e...

posal mi je takav da priko njega stalno upoznajen nove ljude. šaroliko je to društvo, od običnih meštri pa do vrlo utjecajnih ljudi. u prosjeku dnevno upoznan jednu do dvi tri nove peršone. narafski, kako znan dosta svita, a svak svakoga zna, onda i priko poznatih upoznajen nov svit. s judima se upoznajen i priko interneta. na putovanjima također. nikidan tako, na putu, upoznan jednu vrlo zanimljivu peršonu. narafski, svit je mali. kroza razgovor je ispalo da je to žena  o' jednega moga profešura s fakulteta, inače i sama profešur samo iz druge branše. jemali smo o' čemu pričat sve do splita, a i onda mi je bilo žaj fermat. znamo isti svit, tema koliko oćeš. narafski, ne opisujen svaku peršonu ča je upoznan ovod, samo one ča su mu posebno dojmile, a ova me žena baš posebno dojmila i to zaradi višje stvari. vidila san:

• dosta hrabru ženu,
• obrazovanu ženu velike širine duha i misli, punu znanja,
• ženu koja vrlo ugodno i kulturno priča,
• ženu kojoj je misao jasna i tečna,
• ženu koja se ne boji progovorit i o problemima,
• ženu koja jema 70 godin, ali je puno mlaja od mnogih peršona koje jemaju 35 i 40 ča ih znan...

pamtit ću razgovor s njom cili život. eto, toliki dojam ostavlja na ljude ostavlja Zorica.