e...

čovik moj, kad vazmeš u ruke teku oli blok i lapiš, to je tek karta i lapiš. more sve ostat skroz bilo, prazno. moš tot notat štagod lipo, nacrtat štagod još lipše. moš napisat recimo roman oli vers, nacrtat crtariju ča će jedan dan vridit milijune. moš svašta nešto. šta god ti duša i srce želi. a moš i sve zamrčit, ocrnit, notat milijun grubih riči, karta trpi svašta. šta će onda bit u tvoju teku, a? a bit će jušto onako kako moreš i znaš uredit i ušestat oli izneredit i napravit nešest; čovikova teka je zrcalo duše.

isto je i sa blogom - jema ih svakakvih, dobrih, loših, kreativnih, nekreativnih, svakakvih. na nike bacin joko i jopet jerbo su me judi zainteresirali, na nike se opće ne vraćan. ča se moga tiče isto vridi: ako vam je drag, a vi dođite i jopet, ako nije, uprite u botun x u gornji desni kantun i ne sekirajte se prikovišje. čovikov (a more i ženin, zaradi čega ne, a?) blog je jušto zrcalo duše - bija je prazan kad se otvorija isto ka i teka. ko je zna štagod lipo je o' tega učinija, a ko nije zna napravija je ono ča je bidan moga - da je zna bolje, sigurno bi bilo bolje, e...

ekola, gren ča, jemate pozdrav!